Book Name:Shab e Baraat kese Guzaren
پیارے اسلامی بھائیو! اچھی نیت اَفْضَل ترین عَمَل ہے۔ آئیے! بیان سننے سے پہلے اچھی اچھی نیتیں کر لیتے ہیں۔ نیت کیجئے : * نگاہیں نیچی کئے تَوَجُّہ کے ساتھ بیان سُنوں گا * عِلْمِ دین کی تعظیم کی خاطر جتنی دیر ہو سکا اَلتَّحِیَّات کی شکل میں (یعنی جس طرح نماز میں اَلتَّحِیَّات پڑھتے ہوئے بیٹھتے ہیں ، اس طرح) بیٹھوں گا * بیان کے بعد خود آگے بڑھ کر مسلمانوں سے سلام کروں گا * ہاتھ ملاؤں گا * اور نیکی کی دعوت پیش کروں گا۔ اِنْ شَآءَ اللّٰهُ الْکَرِیْم!
صَلُّوْا عَلَی الْحَبیب! صَلَّی اللّٰہُ عَلٰی مُحَمَّد
اے عاشقانِ رسول ! شَعْبانُ المعظّم اپنی برکتیں لُٹا رہا ہے ، کل اِنْ شَآءَ اللہُ الْکَرِیْم! شبِ بَراءَت ہو گی ، شبِ براءَت یعنی نجات کی رات ، جہنّم سے چھٹکارا ملنے کی رات * بہت برکتوں والی * عظمتوں والی رات ہے * اس رات میں اللہ پاک اپنے بندوں پر خصوصی رحم و کرم فرماتا ہے * لاکھوں لاکھ گنہگاروں کی بخشش کر دی جاتی ہے * شبِ براءَت دُعاؤں کی قبولیت کی رات ہے * شبِ براءَت روزی تقسیم ہونے کی رات ہے * اس رات میں رزق کی برکت کے لئے جو دُعا مانگی جائے ، قبول ہوتی ہے۔
آئی شَبِ براءَت ، یہ ہے برکتوں کی رات لطف وکرم کی رات ہے ، یہ رحمتوں کی رات
جو چاہتے ہو ، تم کو کرے گا خدا عطا اس کی عنایتوں کی ہے یہ نعمتوں کی رات
غم کا علاج آج کی شب دستیاب ہے یہ جاں فزا ہیں ساعتیں ، یہ فرحتوں کی رات
ہمارے پیارے آقا ، مکی مدنی مصطفےٰ صلی اللہُ عَلَیْہِ وَ آلِہٖ وَسَلَّم نے فرمایا : اللہ کریم 4 راتوں میں بھلائیوں کے دروازے کھول دیتا ہے : (1)بقرہ عید کی رات (2)عیدالفطر کی رات