چچا جان حضرت عبّاس  رَضِیَ اللہُ عنہ  کو صلٰوۃُ التَّسْبِیح سکھائی اور فرمایا : چچا جان! اگر آپ روزانہ یہ نماز ادا کر سکیں تو ضرور کریں ، اگر ہر روز نہ ہو سکے تو ہر جمعہ کو ، ایسا بھی نہ کر پائیں تو ہر مہینے ، یہ بھی نہ ہو سکے تو سال میں ایک مرتبہ اور اگر اس کی بھی طاقت نہ ہو تو زِندگی میں ایک مرتبہ ضرور صلٰوۃُ التَّسْبِیح ادا کریں۔ ^([1]) 

صلٰوۃُ التَّسْبِیح کا طریقہ جاننے کے لئے شیخِ طریقت ، امیر اہلسنت دَامَت بَرَکاتہمُ الْعَالِیَہ کی کتاب : مدنی پنج سُورہ ، صفحہ : 279 پڑھ لیجئے۔

صَلُّوْا عَلَی الْحَبیب!                                                                                               صَلَّی اللّٰہُ عَلٰی مُحَمَّد

12 دینی کاموں میں سے ایک دینی کام : ہفتہ وار اجتماع

پیارے اسلامی بھائیو!  نیک بننے ، گُنَاہوں سے بچنے اور نیکیوں پر استقامت پانے کے لئے عاشقانِ رسول کی دینی تحریک دعوتِ اسلامی کے دینی ماحول سے وابستہ ہو جائیے اور ذیلی حلقے کے 12 دینی کاموں میں بھی خوب حصّہ لیجئے! اس کی برکت سے اِنْ شَآءَ اللّٰهُ الْکَرِیْم! دین و دنیا کی بےشُمار بھلائیاں نصیب ہوں گی۔ ذیلی حلقے کے 12 دینی کاموں میں سے ایک دینی کام  ہفتہ وار اجتماع بھی ہے ، آپ بھی ہفتہ وار اجتماع میں پابندی کے ساتھ شرکت کیا کیجئے! اس کی برکت سے اِنْ شَآءَ اللہُ الْکَرِیْم!عِلْمِ دین سیکھنے کو ملے گا ، نیک اجتماع میں شرکت کا ثواب ہاتھ آئے گا ، دِل صاف ہو گا ، گُنَاہوں سے نفرت نصیب ہو گی اور اللہ پاک نے چاہا تو بخشش و مغفرت کی خیرات بھی نصیب ہو ہی جائے گی۔

الحمد للہ! عاشقانِ رسول کی دینی تحریک دعوتِ اسلامی کے دینی ماحول میں بڑی