(3)شعبان کی 15 وِیں  رات کہ اس رات میں  مرنے والوں  کے نام ، لوگوں  کا رزق اور حج  کرنے والوں  کے نام لکھے جاتے ہیں (4)عرفہ (یعنی 9 ذُو  الحج)کی رات۔ ^([1])

بخشش و مغفرت کی رات

شُعَبُ الْاِیمان میں حدیثِ پاک ہے ، ہمارے آقا و مولیٰ ، مکی مدنی مصطفےٰ  صلی اللہُ عَلَیْہِ وَ آلِہٖ وَسَلَّم  نے فرمایا : 15 شعبان کی رات (یعنی شبِ براءَت کو) ایک پُکارنے والا پُکارتا ہے : *  ہے کوئی مغفرت چاہنے والا کہ اس کی مغفرت کی جائے؟ *  ہے کوئی مانگنے والا کہ اسے عطا کیا جائے؟ پس بدکار عورت اور مشرک کے عِلاوہ جو بندہ جو بھی حاجت طلب کرتا ہے ، اس کی حاجت پُوری کر دی جاتی ہے۔ ^([2])

شبِ براءَت آقا کریم   صلی اللہُ عَلَیْہِ وَ آلِہٖ وَسَلَّم   کے مشاہدات

اِبْنِ عساکر میں ہے : ایک مرتبہ شبِ براءَت کو فرشتوں کے سردار حضرت جبریلِ امین عَلَیْہِ السَّلَام بارگاہِ رسالت میں حاضِر ہوئے اور عرض کیا : یارسولَ اللہ  صلی اللہُ عَلَیْہِ وَ آلِہٖ وَسَلَّم ! اُٹھئے ، نماز ادا فرمائیے کہ یہ وہ رات ہے جس میں رحمت کے 300 دروازے کھول دئیے جاتے ہیں ، اس رات میں *  اللہ پاک کے ساتھ شریک ٹھہرانے والوں *  آپس میں بغض و کینہ (یعنی دِل میں دشمنی) رکھنے والوں *  شرابیوں اور بدکاروں کے عِلاوہ سب کی مغفرت کر دی جاتی ہے۔

چنانچہ پیارے آقا ، مدینے والے مصطفےٰ صلی اللہ عَلَیْہِ وَ آلِہٖ وَ سَلَّم جنّتُ البقیع (یعنی مدینۂ مُنَوَّرہ کے قبرستان) میں تشریف لے گئے اور سَر مبارک سجدے میں رکھ کر یُوں دعا مانگی :