پُورے ہفتے کے گُنَاہوں کا کفّارہ بنتی ہے *  شبِ براءَ ت سال بھر کے گُنَاہوں کا کفّارہ بنتی ہے اور *  شبِ قدر زِندگی بھر کے گُنَاہوں کا کفّارہ بنتی ہے۔ یعنی ان راتوں میں اللہ پاک کی عبادت کرنا اور یادِ اِلٰہی میں جاگ کر رات گزارنا گُنَاہوں کا کفّارہ (Atonement)بنتا ہے۔ اسی لئے ان راتوں کو کفّارے کی راتیں بھی کہا جاتا ہے۔ ^([1])  

شبِ براءَت عبادت کی رات ہے

پیارے اسلامی بھائیو!  شبِ براءَت عبادت کی رات ہے ، اس رات کو دِل سے غفلت کے پردے ہٹا کر اللہ پاک کی یاد میں گزارنا سعادت ہی سعادت ہے۔  اللہ پاک کے آخری نبی ، رسولِ ہاشمی  صلی اللہُ عَلَیْہِ وَ آلِہٖ وَسَلَّم  نے فرمایا : جس نے 5 راتوں کو زِندہ کیا (یعنی رات جاگ کر عبادت میں گزارا) اس کے لئے جنّت واجِب ہو جاتی ہے : (1) : تَرْوِیَہ (یعنی 8 ذُو الحج) کی رات (2) : عرفہ (یعنی 9 ذو الحج ) کی رات  (3) : عیدُ الاَضحٰی (یعنی 10 ذو الحج) کی رات (4) : عید الفطر اور (5) : نصف شعبان کی رات۔ ^([2])

بنا دے مجھے نیک نیکوں کا صدقہ                  گُنَاہوں سے ہر دم بچا یااِلٰہی!

عبادت میں گزرے مری زندگانی                 کرم ہو کرم یاخُدا یااِلٰہی!

صَلُّوْا عَلَی الْحَبیب!                                                                                               صَلَّی اللّٰہُ عَلٰی مُحَمَّد

شبِ براءَت آقا  صلی اللہُ عَلَیْہِ وَ آلِہٖ وَسَلَّم  کے معمولات

سب مسلمانوں کی پیاری اَمّی جان حضرت بی بی عائشہ صدیقہ طَیِّبہ ، طاہِرہ  رَضِیَ اللہُ عنہا فرماتی ہیں : ایک مرتبہ حُضُور جانِ کائنات ، فخرِ موجودات  صلی اللہُ عَلَیْہِ وَ آلِہٖ وَسَلَّم  نماز ادا کرنے