میں ہے : ایک مرتبہ پیارے نبی ، رسولِ ہاشمی  صلی اللہُ عَلَیْہِ وَ آلِہٖ وَسَلَّم  شبِ براءَت کو جنّتُ البقیع میں تشریف لے گئے اور وہاں مسلمان مَرْدَوں ، عورتوں اور شہیدوں کے لئے دُعائے مغفرت فرماتے رہے۔ ^([1])

صَد شکر خدایا تُو نے دیا ، ہے رحمت والا وہ آقا

جو اُمَّت کے رَنج و غَم میں ، راتوں کو اشک بہاتا رہے^([2])

شبِ براءَت نواسہ رسول کا معمول

نواسۂ مصطفےٰ ، امام حَسَن مجتبیٰ  رَضِیَ اللہُ عنہ  کا معمول مبارَک تھا ،  (آپ کی Routine تھی) کہ آپ شبِ براءَت کو 3 حِصَّوں میں تقسیم فرماتے ، رات کا ابتدائی حِصَّہ اپنے نانا جان ، رحمتِ دوجہان  صلی اللہُ عَلَیْہِ وَ آلِہٖ وَسَلَّم  پر درود پڑھتے ، دوسرے حِصَّے میں اِسْتِغْفَار کرتے (یعنی اللہ پاک کی بارگاہ میں مغفرت کا سوال کرتے) اور تیسرے حِصّے میں نوافِل پڑھا کرتے تھے۔

آپ سے پوچھا گیا : ایسا کرنے والے کے لئے کیا ثواب ہے؟ فرمایا : میں نے اپنے والِد (مسلمانوں کے چوتھے خلیفہ مولیٰ علی  رَضِیَ اللہُ عنہ ) سے سُنا ہے کہ نبئ اکرم ، نورِ مجسم  صلی اللہُ عَلَیْہِ وَ آلِہٖ وَسَلَّم  نے فرمایا : جو نِصف شعبان کی رات کو زِندہ کرے (یعنی یہ رات عبادت میں گزارے) وہ اللہ پاک کے مُقَرَّب بندوں کی فہرست (List)میں لکھا جاتا ہے۔ ^([3])

پیارے اسلامی بھائیو!  ہم نے سُنا! شبِ براءَت کو عبادت میں گزارنے کی کیسی برکتیں ہیں ، جو بندہ اس رات عبادت کرتا ہے ، اس کا نام اللہ پاک کے مُقَرَّب بندوں کی فہرست میں