کرم  ہو  از  طفیلِ  سَیّدِ  عرب  و  عجم  مولا^([1])

صَلُّوْا عَلَی الْحَبیب!                                                                   صَلَّی اللّٰہُ عَلٰی مُحَمَّد

دِل اُلَٹ دئیے جاتے ہیں

 اے عاشقانِ رسول ! اللہ پاک کا فضل ہے کہ وہ اپنے محبوب صَلَّی اللّٰهُ عَلَیْهِ وَ آلِهٖ وَ سَلَّم کے صدقے میں اس اُمَّت کورُسوا نہیں کرتا ، ہم گُنَاہ بھی کرتے ہیں تو ہم پر پہلی قوموں کی طرح اجتماعی عذاب نہیں آتے ، ہمارے چہرے نہیں بگاڑے جاتے ، اس اُمّت کو پہلی اُمّتوں کی طرح بندر اور خنزیر نہیں بنایا جاتا مگر یاد رکھئے! اللہ پاک کی نافرمانی کا نتیجہ تو بہرحال نکلتا ہی ہے۔ عُلَما فرماتے ہیں : گزشتہ اُمّتوں کا عذاب جسمانی خَسْف و مَسْخ تھا (یعنی پہلی اُمّتیں نافرمانی کرتیں تو انہیں زمین میں دھنسا دیا جاتا تھا ، ان کے چہرے بگاڑ دئیے جاتے تھے ، کوئی بندر بن جاتا ، کوئی خنزیر بن جاتا تھا) لیکن اس اُمّت کا عذاب روحانی خَسْف و مَسْخ ہے کہ پہلے جسم بدلتے تھے ، اب دِل بدل دئیے جاتے ہیں۔ ^([2])اللہ پاک قرآنِ کریم میں فرماتا ہے :

وَ نُقَلِّبُ اَفْـٕدَتَهُمْ وَ اَبْصَارَهُمْ  (پارہ : 7 ، سورۂ اَنْعَام : 110)                  

ترجمہ کنزُ الایمان : اور ہم پھیر دیتے ہیں ان  کے دلوں اور آنکھوں کو۔

اللہ پاک کی پناہ! اللہ پاک کی پناہ! کیسی عبرت کی بات ہے ، اللہ و رسول کی نافرمانی کے سبب دِل اُلٹ دئیے جاتے ہیں۔