Book Name:Ramzan Mubarak Kesay Guzaren
بےحُرمتی کی ہو گی* اگر رَبّ ناراض ہو گیا * اس کے سبب قبر میں ہماری پکڑ ہو گئی * روزِ قیامت گرفت ہو گئی تو ذرا سوچئے! ہمارا کیا بنے گا؟ * خدانخواستہ اللہ پاک کی رحمت نہ ملی * شافِعِ محشر ، سلطانِ بحر و بَر صلی اللہُ عَلَیْہِ وَ آلِہٖ وَسَلَّم کی شفاعت سے محروم رہ گئے تو کیا کریں گے؟
گر تُو ناراض ہوا میری ہلاکت ہو گی ہائے! میں نارِ جہنّم میں جلوں گا یارَبّ!
عَفْو کر اور سدا کے لئے راضِی ہو جا گر کرم کر دے تو جنّت میں رہوں گا یارَبّ! ([1])
اے عاشقانِ رسول ! ابھی موقع ہے ، رمضان المبارک تشریف لا رہا ہے ، زندگی میں کبھی رمضان المبارک کی بے قدری ہوئی ہے ، بے ادبی ہو گئی ہے تو آج ہی توبہ کر لیں اور پَکی نِیَّت کر لیں کہ * اس سال رمضان المبارک کی خوب قدر کریں گے * ماہِ رمضان المبارک کی بے ادبی سے بچیں گے * سارے روزے رکھیں گے* پانچوں نمازیں باجماعت ادا کریں گے * خُوب تلاوتِ کریں گے * رمضان المبارک میں گناہوں سے بچنے کی بھر پور کوشش کریں گے * غیبت بھی نہیں کریں گے * چغلی بھی نہیں کریں گے * دوسروں کو تکلیف بھی نہیں دیں گے * بَس پُورا ماہِ رمضان نیکیوں میں * عبادت و ریاضت میں * عاجزی سے توبہ و اِسْتِغْفار کرتے ہوئے گزاریں گے۔ اِنْ شَآءَ اللہُ الْکَرِیْم!
تراویح اور نمازوں میں ، کمی ہو گی نہ روزوں میں کرو مل کر یہ نیّت ، ماہِ رمضان آنے والا ہے
نبی کے عشق میں روؤں ، مدینے کے لئے تڑپوں خُدا دے سوز و رِقَّت ، ماہِ رمضان آنے والا ہے
رہوں قائِم میں توبہ پر ، خُدایا فضل ایسا کر گُنَاہوں سے دے نفرت ، ماہِ رمضان آنے والا ہے([2])
صَلُّوْا عَلَی الْحَبیب! صَلَّی اللّٰہُ عَلٰی مُحَمَّد