تلاوت بڑھ جاتا اور آپ ہر 3دن میں ایک خَتْمِ پاک کیا کرتے ،  پھر جب آخری عشرہ آتا تو تلاوت کا ذوق اور بڑھ جاتا اور آپ ہر روز ایک خَتْمِ پاک کیا کرتے۔ *  امام شافعی  رَحمۃُ اللہِ عَلَیْہ  رمضان المبارک میں 60 قرآن پڑھا کرتے تھے۔ *  اور امام ِ اعظم ، امام ابو حنیفہ  رَحمۃُ اللہِ عَلَیْہ  کی تو کیا ہی شان ہے ، آپ رمضان المبارک میں 61قرآنِ کریم ختم فرمایا کرتے تھے۔ ^([1])

کاش! ہمیں بھی توفیق ملے ، ہم بھی قرآن کریم کی تلاوت کریں۔

ہر روز میں قرآن پڑھوں کاش! خدایا                                                          اللہ! تلاوت میں مرے دِل کو لگا دے

صَلُّوْا عَلَی الْحَبیب!                                                           صَلَّی اللّٰہُ عَلٰی مُحَمَّد

(4) : شبِ قدر میں عبادت کرنا

 اے عاشقانِ رسول ! رمضان المبارک کی چوتھی اہم اور خصوصی عبادت ہے : شبِ قدر میں عبادت کرنا۔ شبِ قدر بہت  بابرکت رات ہے ، اس کو لَیْلَۃُ الْقَدْر بھی کہا جاتا ہے۔ اللہ پاک قرآنِ کریم میں فرماتا ہے :

لَیْلَةُ الْقَدْرِ ﳔ خَیْرٌ مِّنْ اَلْفِ شَهْرٍؕؔ(۳)  (پارہ : 30 ، سورۂ قدر ، آیت : 3)                             

ترجمۂ کنز الایمان : شبِ قدر ہزار مہینوں سے بہتر  (ہے)۔

سُبْحٰنَ اللہ! جو بندہ شبِ قدر میں عِبَادت کرے ، اسے ایک ہزار مہینوں (یعنی 83سال 4ماہ) سے بھی زیادہ عبادت کا ثواب ملتا ہے۔

شبِ قَدْر رمضان المبارک کے آخری عشرے کی طاق راتوں (یعنی 21 وِیں ، 23 وِیں ، 25 وِیں ، 27 وِیں اور 29 وِیں رات) میں سے کسی ایک رات ہوتی ہے ، اس بارے میں اَوْر بھی