آیئے!حضورِ اکرم ، نورِ مجسم  صلی اللہُ عَلَیْہِ وَ آلِہٖ وَسَلَّم   کے 3 مبارک خطبات سننے کی سعادت حاصل کرتے ہیں :

1-ماہِ رمضان مبارک مہینا ہے

حضرتِ ابو ہریرہ  رَضِیَ اللہُ عنہ  فرماتے ہیں : ایک مرتبہ رمضان المبارک کی تشریف آوری ہوئی تو حضورِ اکرم ، نورِ مجسم  صلی اللہُ عَلَیْہِ وَ آلِہٖ وَسَلَّم   نے خطبہ دیتے ہوئے فرمایا : قَدْ جَآءَکُمْ شَہْرٌمُبَارَکٌ یعنی  بے شک تمہارے پاس برکت والا مہینا آ گیا اِفْتَرَضَ اللّٰہُ عَلَیْکُمْ صِیَامَہٗ اللہ پاک نے اس مہینے کے روزے تم پر فرض کئے ہیں تُفْتَحُ فِیْہِ اَبْوَابُ الْجَنَّۃِ اس مہینے میں جنت کے دروازے کھول دیئے جاتے ہیں وَ تُغْلَقُ  فِیْہِ اَبْوَابُ الْجَحِیْمِ اور اس مہینے میں جہنم کے دروازے بند کر دیئے جاتے ہیں وَ یُغَلُّ فِیْہِ الشَّیَاطِیْنُ اور اس مبارک مہینے میں شیاطین جکڑ دیئے جاتے ہیں۔ ⁽[1]⁾

عاصِیوں کی مغفرت کا لے کر آیا ہے پیام        جھوم جاؤ مجرِمو! رمضاں مہِ غفران ہے

بھائیو بہنو! کرو سب نیکیوں پر نیکیاں              پڑ گئے دوزخ پہ تالے قید میں شیطان ہے^([2])

صَلُّوْا عَلَی الْحَبیب!                                                           صَلَّی اللّٰہُ عَلٰی مُحَمَّد

2-رمضان المبارک کی ہر رات اعلان ہوتا ہے کہ...

حضرتِ ابو جعفر  رَضِیَ اللہُ عنہ  سے روایت ہے ، ایک مرتبہ رمضان المبارک کی تشریف آوری ہوئی  تو حضورِ اکرم ، نورِ مجسم  صلی اللہُ عَلَیْہِ وَ آلِہٖ وَسَلَّم   نے خطبہ دیتے ہوئے فرمایا : اے لوگو! *  بے شک یہ ماہِ رمضان ہے *  اس میں شیطان قید کر دیئے جاتے ہیں *  جہنم کے