اندازہ کیجئے! یہ اللہ پاک کے نیک بندے کیسے ہر وقت بس نیک کاموں ہی میں مَصْرُوف رہا کرتے تھے؟انہیں آخرت کی فِکْر تھی ، یہ موت اور قبر و آخرت کو یاد کرنے والے تھے۔ کاش! ہم بھی اَہْلِ تقویٰ والے اَوْصاف اپنا لیں۔ کاش! ہمیں بھی موت کی تیاری کرنے کی توفیق مِل جائے۔ اللہ پاک توفیق نصیب فرمائے۔ آمِیْن بِجَاہِ خَاتَمِ النَّبِیّٖن  صلی اللہُ عَلَیْہِ وَ آلِہٖ وَسَلَّم  ۔  

12 دینی کاموں میں سے ایک دینی کام : ہفتہ وار مدنی مذاکرہ

 اے عاشقانِ رسول ! دُنیا اور آخرت کی بہتریاں پانے ، اولیائے کرام کا فیضان حاصِل کرنے ، دِل میں عشقِ رسول بڑھانے اور نیک نمازی بننے کے لئے عاشقانِ رسول کی دینی تحریک دعوتِ اسلامی کے دینی ماحول سے وابستہ ہو جائیے اورذیلی حلقے کے 12 دینی کاموں میں بھی خوب بڑھ چڑھ کر حصہ لیجئے ، اِنْ شَآءَ اللہُ الْکَرِیْم! اس کی برکتیں خود ہی دیکھ لیں گے۔ ذیلی حلقے کے 12 دینی کاموں میں سے ایک  دینی کام ہے : ہفتہ وار مدنی مذاکرہ۔

الحمد للہ! شیخ طریقت ، امیر اہلسنت حضرت علامہ مولانا ابوبلال محمد الیاس عطار قادری رضوی ضیائی  دَامَتْ بَرَکاتُہُمُ الْعَالِیَہ  ہرہفتے کو رات عشاکی نماز کے بعد مدنی چینل پر براہِ راست (Live) مدنی مذاکرہ فرماتے یعنی دُنیا بھر سے عاشقانِ رسول کے پوچھے گئے سوالوں کے عِلْم و حکمت سے بھرپور جوابات ارشاد فرماتے ہیں ، آپ بھی مدنی مذاکرے میں شرکت فرمائیے اور عِلْمِ دِین کا خزانہ حاصِل کیجئے۔  

بچے بھی نمازی بن گئے

تحصیل تَلہ گنگ (ضلع چکوال ، صوبہ پنجاب ، پاکستان) کے ایک اسلامی بھائی کا کہنا ہے :