دے حُسْنِ اَخْلاق کی دولت                کر دے عطا اِخْلاص کی نعمت

مجھ کو خزانہ دے تقویٰ کا                   یااللہ! مِری جھولی بھر دے^([1])

تقویٰ ہر بھلائی کی اَصْل ہے

یاد رکھئے! تقویٰ بہت بڑی دولت ہے۔ حضرت ابوسعید خدری  رَضِیَ اللہُ عنہ  سے روایت ہے ، رسولِ اکرم ، نورِ مُجَسَّم ، شفیعِ مُعَظَّم  صلی اللہُ عَلَیْہِ وَ آلِہٖ  وَسَلَّم  نے ایک صحابی  رَضِیَ اللہُ عنہ  کو نصیحت کرتے ہوئے فرمایا : عَلَیْکَ بِتَقْوَی اللّٰہِ فَاِنَّہُ جِمَاعُ کُلِّ خَیْرٍ تم پر تقویٰ لازِم ہے کہ بےشک تقویٰ تمام بھلائیوں کا مجموعہ ہے۔ ^([2])

حُجَّۃُ الاسلام امام محمد بن محمد غزالی رَحْمَةُ اللّٰهِ عَلَیْه فرماتے ہیں : اے عزیز! تجھے جاننا چاہئے کہ تقویٰ ایک نایاب خزانہ ہے ، اگر تم اس خزانے کو حاصِل کرنے میں کامیاب ہو گئے تو تم بہت بڑی کامیابی حاصِل کر لو گے ، یُوں سمجھو کہ دُنیا و آخرت کی تمام بھلائیاں تقویٰ میں جمع کر دی گئی ہیں۔ ^([3])

دے حُسْنِ اَخْلاق کی دولت                کر دے عطا اِخْلاص کی نعمت

مجھ کو خزانہ دے تقویٰ کا                   یااللہ! مِری جھولی بھر دے^([4])