ہیں : رسولِ اکرم ، نورِ مُجَسَّم  صلی اللہُ عَلَیْہِ وَ آلِہٖ  وَسَلَّم  دُنیا کی کسی چیز سے خوش نہ ہوئے اور متقی و پرہیز گار شخص کے سِوا کسی نے آپ کو خوش نہیں کیا۔ ^([1])

مری عادتیں ہوں بہتر ، بنوں سنّتوں کا پیکر         مجھے متقی بنانا مدنی مدینے والے

صَلُّوْا عَلَی الْحَبیب!                                                           صَلَّی اللّٰہُ عَلٰی مُحَمَّد

عزّت ساری کی ساری تقویٰ میں ہے

اللہ پاک قرآنِ کریم میں ارشاد فرماتا ہے :

اِنَّ اَكْرَمَكُمْ عِنْدَ اللّٰهِ اَتْقٰىكُمْؕ-   (پارہ : 26 ، سورۂ حجرات : 13)                                              

ترجَمۂ کنزُ الایمان : بےشک اللہ کے یہاں تم میں زیادہ عزت والا وہ جو تم میں زیادہ پرہیزگار ہے۔

اس آیت سے معلوم ہوا کہ اللہ پاک کی بارگاہ میں  عزت و فضیلت کا مدار نسب نہیں  بلکہ پرہیزگاری ہے لہٰذا ہر مسلمان کو چاہئے کہ وہ نسب پر فخر کرنے سے بچے اور تقویٰ و پرہیز گاری اختیار کرے تاکہ اللہ پاک کی بارگاہ میں  اسے عزت و فضیلت نصیب ہو۔ ^([2])

ایک عربی شاعِر کہتا ہے :

مَا یَصْنَعُ الْعَبْدُ بِعِزِّ الْغِنیٰ                                                                                            وَالْعِزُّ کُلُّ الْعِزِّ لِلْمُتَّقِیْ

ترجمہ : انسان مال و دولت کی عزّت کا کیا کرے گا؟ عزّت تو ساری کی ساری مُتقی کے لئے ہے۔

اَہْلِ تقویٰ کے لئے انعامات اور بشارتیں

عُلَما فرماتے ہیں : اللہ پاک نے قرآنِ کریم میں اَہْلِ تقویٰ کے بہت فضائِل بیان فرمائے