خیال رہے ! نادِ علی پڑھتے وقت بِنَبُوَّتِکَ یَا مُحَمَّد کی جگہ بِنَبُوَّتِکَ یَارَسُوْلَ اللہ پڑھنا چاہئے۔ سیدی اعلیٰ حضرت رَحمۃُ اللہ عَلَیْہ فرماتے ہیں : حُضُورِ اَقْدَس صلی اللہ عَلَیْہِ وَ آلِہٖ وَسَلَّم کو نام لے کر ندا کرنی  ( یعنی پُکارنا )  حرام ہے۔ علما نے فرمایا : اگر حدیثِ پاک میں سکھائی گئی کسی دُعا  میں بھی یَا مُحَمَّد ہو تو اس کی جگہ یَا رَسُوْلَ اللہ پڑھنا چاہئے۔ ^{( [1] )}    

اے عاشقانِ رسول ! اگر  آپ خود نادِ علی  لکھ  نہیں سکتے  یا آپ کے لئے پڑھنا مشکل ہے ، تو دعوت اسلامی کا ایک  شعبہ ہے : روحانی علاج  جہاں پیارے آقا ، مدینے والے مصطفےٰ صَلَّی اللہ عَلیہ واٰلہٖ و سَلَّم کی دکھیاری اُمّت کی غمخواری کرکے رضائے الٰہی کے حصول  کے لئے تعویذات  عطاریہ دیئے جاتے ہیں * مشکلات کی کاٹ کی جاتی ہے * اون لائن استخارہ کیا جاتا ہے * اور روحانی علاج بتائے جاتے ہیں وہاں سے نادِ علی حاصل  کیا جا سکتا ہے ۔

میں گُنَاہوں کا مریض اور آپ ہیں میرے طبیب      دیجئے ! مجھ کو شفا مولیٰ علی مشکل کُشا

مغفرت کروائیے ! جنّت میں لے کے جائیے !         واسِطہ حسنین کا مولیٰ علی مشکل کُشا

اشکبار آنکھیں عطا ہوں ، دِل کی سختی دُور ہو  دیجئے خوفِ خُدا مولیٰ علی مشکل کُشا

بھیک لینے کے لئے دربار میں منگتا ترا   لے کے کشکول آگیا مولیٰ علی مشکل کُشا

کیوں پِھروں در در بھلا خیرات لینے کے لئے  میں     فقط     منگتا     تِرا     مولیٰ     علی     مشکل     کُشا  ^{( [2] )}

صَلُّوْا عَلَی الْحَبِیْبِ !                                                                                                صَلَّی اللہ عَلٰی مُحَمَّد