اللہ پاک ہمیں عمل کی توفیق عطا فرمائے۔ آمِیْن بِجَاہِ خَاتَمِ النَّبِیّٖن  صَلَّی اللہ عَلیہ واٰلہٖ و سَلَّم ۔

حضرت علی رَضِیَ اللہ عنہ  کا مختصر تعارُف

پیارے اسلامی بھائیو !  حضرت مولیٰ علی رَضِیَ اللہ عنہ مسلمانوں کے چوتھے خلیفہ ہیں ، آپ 13 رَجَبُ الْمُرَجَّب کو مکہ مکرمہ میں پیدا ہوئے ، 10 سا ل کی عمر مبارک میں اسلام قبول کیا ^{( [1] )}  ، آپ کی والدہ نے آپ کا نام حیدر جبکہ والد نے آپ کا نام  علی رکھا ، رسولِ اکرم ، نُورِ مُجَسَّم صَلَّی اللہ عَلیہ واٰلہٖ و سَلَّم نے آپ کو اَسَدُ اللہ کے لقب سے نوازا ، اَسَدُ اللہ کا معنی ہے : شیرِ خُدا یعنی اللہ پاک کا شیر۔  ^{( [2] )}

علی المرتضیٰ شیرِ خُدا ہیں                       کہ ان سے خوش حبیبِ کبریا ہیں

حضرت مولیٰ علی مشکل کشا رَضِیَ اللہ عنہ نے 21 رمضان المبارک کو جامِ شہادت نوش فرمایا۔  ^{( [3] )}

اَصْلِ نَسْلِ صَفَا ، وجہِ وَصْلِ خُدا             بابِ   فَضْلِ  وِلایَت  پہ  لاکھوں    سلام ^{( [4] )}

وضاحت : حضرت علیُ المرتضیٰ رَضِیَ اللہ عنہ خالِص پاک سادات کی جَڑ اور بنیاد ہیں ، واصِل باللہ  ( یعنی اللہ پاک کا مُقَرَّب )  بننے کا سبب  اور وِلایَت کے فضائل ملنے کا دروازہ ہیں ، آپ رَضِیَ اللہ عنہ پر لاکھوں سلام ہوں۔

اے عاشقانِ رسول ! آئیے ! مولیٰ علی رَضِیَ اللہ عنہ کی شان و عظمت میں چند احادیثِ