مبارک ہاتھ میں لیا اور فرمایا : مَنْ کُنْتُ مَوْلَاہُ فَعَلِیٌ مَوْلَاہُ جس کا میں مولیٰ ہوں ، اس کے علی مولیٰ ہیں۔ پھر آپ صَلَّی اللہ عَلیہ واٰلہٖ و سَلَّم نے دعا کی : اَللّٰہُمَّ وَالِ مَنْ وَالَاہُ وَ عَادِمَنْ عَادَاہُ اے اللہ پاک ! جو علی سے محبت کرے ، تُو اس سے محبت فرما اور جو علی سے دشمنی رکھے ، تُو اس سے دُشمنی فرما۔ ^{( [1] )}

جس کسی کا میں ہوں مولیٰ ، اس کے مولیٰ ہیں علی    ہے  یہ  قولِ  مصطفےٰ  مولیٰ  علی  مشکل   کُشا ^{( [2] )}

صَلُّوْا عَلَی الْحَبیب !                                                                                                صَلَّی اللّٰہُ عَلٰی مُحَمَّد

سُبْحٰنَ اللہ ! سُبْحٰنَ اللہ ! اے عاشقانِ رسول ! اس حدیثِ پاک میں سرکارِ عالی وقار ، مکی مدنی تاجدار صَلَّی اللہ عَلیہ واٰلہٖ و سَلَّم نے صاف صاف فرما دیا کہ حضرت علیُ المرتضیٰ ہر مسلمان کے مولیٰ ہیں۔ حکیم الامت مفتی احمد یار خان نعیمی رَحمۃُ اللہ عَلَیْہ فرماتے ہیں : یہاں وَلِی  ( یعنی مولیٰ )  کا معنیٰ خلیفہ نہیں بلکہ اس کا معنیٰ ہے : دوست یا مدد گار۔ یعنی ہمارے آقا و مولیٰ ، مکی مدنی مصطفےٰ صَلَّی اللہ عَلیہ واٰلہٖ و سَلَّم کے مبارک فرمان کا مطلب یہ ہے کہ جس جس کا میں محبوب اور مددگار ہوں ، اس اس کے علی بھی دوست ، محبوب اور مددگار ہیں۔  ^{( [3] )}

اے عاشقانِ صحابه و اہلِ بيت ! یہیں سے یہ بھی معلوم ہو گیا کہ یَا عَلِی مدد کہنا بالکل جائِز ہے کیونکہ ہمارے آقا ، نورِ خُدا  صَلَّی اللہ عَلیہ واٰلہٖ و سَلَّم قیامت تک آنے والے تمام مسلمانوں کے مولیٰ  ( یعنی محبوب و مددگار )  ہیں ، لہٰذا حضرت علی رَضِیَ اللہ عنہ  بھی قیامت تک آنے والے ہر ہر مسلمان کے محبوب و مددگار ہوئے ، جب وہ ہمارے مددگار ہیں تو ان