نفسِ اَمَّارہ کی اِصْلاح کا طریقہ

حضرت شیخ فرید الدِّین عطار  رَحمۃُ اللہِ عَلَیْہ فرماتے ہیں : نفس کو قابُو میں کرنے کے لئے تین ہتھیاروں کی ضرورت ہے : (1) : خنجرِ خاموشی(2) : شمشیرِ جُوع (یعنی بھوک کی تلوار)  (3) : نیزۂ تنہائی و ترکِ ہجوم۔ یہ تین ہتھیار ہوں تو نفسِ اَمَّارہ کو قابو کر کے اس کی اصلاح کی جا سکتی ہے۔ ^([1])

اے عاشقانِ رسول! اگر ہم باقی 11 مہینوں میں بھی ذوقِ رمضان برقرار رکھنا چاہتے ہیں تو یہ تین کام مستقل طور پر اپنا لیں۔  نمبر 1 : خنجرِ خاموشی۔

خاموشی کے فضائل

ہمارے آقا و مولیٰ ، مکی مدنی مصطفےٰ  صَلَّی اللہُ عَلَیْہ وَآلِہٖ وَسَلَّم  نے فرمایا : جو بندہ اللہ پاک اور آخرت کے دِن پر ایمان رکھتا ہے ،  اسے چاہیے کہ اچھا بولے یا خاموش رہے۔ ^([2])

حضرت  اَسْوَد  رَضِیَ اللہُ عَنْہُ  صحابئ رسول ہیں ، آپ فرماتے ہیں : میں نے اللہ پاک کے آخری نبی ، رسولِ ہاشمی  صَلَّی اللہُ عَلَیْہ وَآلِہٖ وَسَلَّم   کی خدمت میں عَرْض کیا : یا رسولَ اللہ  صَلَّی اللہُ عَلَیْہ وَآلِہٖ وَسَلَّم ! مجھے نصیحت فرمائیے! سرورِ عالَم ، نورِ  مُجَسَّم  صَلَّی اللہُ عَلَیْہ وَآلِہٖ وَسَلَّم  نے فرمایا : کیا تم اپنی زبان پر قابُو رکھ سکتے ہو؟  میں نے عرض کیا : اگر میں اپنی زبان پر بھی قابُو نہ رکھ پاؤں تو کس چیز پر قابُو رکھ سکوں گا؟ سردارِ انبیا ، محبوبِ خُدا  صَلَّی اللہُ عَلَیْہ وَآلِہٖ وَسَلَّم  نے فرمایا : کیا تم اپنے ہاتھوں پر قابُو رکھ سکتے ہو؟  میں نے پھر عرض کیا : یارسولَ اللہ  صَلَّی اللہُ عَلَیْہ وَآلِہٖ وَسَلَّم ! اگر