داروغَۂ جہنم کہیں گے :

اَوَ لَمْ تَكُ تَاْتِیْكُمْ رُسُلُكُمْ بِالْبَیِّنٰتِؕ-    (پارہ : 24 ، سورۂ مؤمن : 50)

ترجَمہ کنزُ الایمان : کیا تمہارے پاس تمہارے رسول روشن نشانیاں نہ لاتے تھے۔

دوزخی بولیں گے :

بَلٰىؕ- (پارہ : 24 ، سورۂ مؤمن : 50)

ترجَمہ کنزُ الایمان : کیوں نہیں۔

داروغَۂ جہنم فرمائیں گے :

قَالُوْا فَادْعُوْاۚ-وَ مَا دُعٰٓؤُا الْكٰفِرِیْنَ اِلَّا فِیْ ضَلٰلٍ۠(۵۰)  (پارہ : 24 ، سورۂ مؤمن : 50)

ترجَمہ کنزُ الایمان : تو تمہیں دعا کرو اور کافروں کی دعا نہیں مگر بھٹکتے پھرنے کو۔

پھر جہنمی(دارغَۂ جہنم) حضرتِ مالِک  عَلَیْہِ السَّلَام   سے التجا کریں گے :

یٰمٰلِكُ لِیَقْضِ عَلَیْنَا رَبُّكَؕ-   (پارہ : 25 ، سورۂ زخرف : 77)

          ترجَمہ کنزُ الایمان : اے مالک تیرا رب ہمیں تمام کرچکے۔

حضرت مالِک   عَلَیْہِ السَّلَام   فرمائیں گے :

اِنَّكُمْ مّٰكِثُوْنَ(۷۷)    (پارہ : 25 ، سورۂ زخرف : 77)

ترجَمہ کنزُ الایمان : تمہیں تو ٹھہرنا ہے۔

یعنی تمہیں موت نہ آئے گی ، تمہیں یونہی عذاب میں ٹھہرنا ہے۔ امام اعمش  رَحمۃُ اللہِ عَلَیْہ  فرماتے ہیں : مجھے خبر دی گئی ہے کہ جہنمیوں کے حضرت مالک   عَلَیْہِ السَّلَام   کو پکارنے  اور حضرت مالک   عَلَیْہِ السَّلَام   کے انہیں جواب  دینے کے درمیان ایک ہزار سال کا وقفہ ہوگا۔ ^([1])