حکیم الاُمَّت مفتی احمد یار خان نعیمی  رَحمۃُ اللہِ عَلَیْہ  اس حدیثِ پاک کے تحت فرماتے ہیں :  جو روزانہ صبح و شام یا دِن میں کسی وقت یا عمر بھر میں کسی وقت تین مرتبہ یہ کہے : اللّٰھُمَّ ادْخِلْنِی الْجَنَّۃَ(اِلٰہی! مجھے جنّت میں داخِل فرما)اور تین دفعہ یہ کہہ لے : اَللّٰھُمَّ اَجِرْنِیْ مِنَ النَّارِ (یا اللہ! مجھے جہنّم سے بچا) تو خود  جنّت اس کے لئے داخلہ کی دعا کرے گی اور خود  دوزخ   اس کے لئے پناہ مانگے گی۔ ^([1])

جہنّم سے پناہ ان الفاظ میں بھی مانگ سکتے ہیں : یا اللہ!مجھے جہنم سے بچا! ۔

گناہ گار ہوں میں لائقِ جہنم ہوں            کرم سے بخش دے مجھ کو نہ دے سزا یارب

بُرائیوں پہ پشیماں ہوں رَحم فرمادے      ہے تیرے قہر پہ حاوی تری عطا یارب

صَلُّوْا عَلَی الْحَبِیْبِ!                                                                                               صَلَّی اللہُ عَلٰی مُحَمَّد

صبح و شام جہنّم سے پناہ مانگنے کی فضیلت

صحابئ رسول حضرت مسلِم بن حارِث  رَضِیَ اللہُ عنہ   فرماتے ہیں : اللہ پاک کے آخری نبی ، رسولِ ہاشمی  صلی اللہُ عَلَیْہِ وَ آلِہٖ وَسَلَّم   نے مجھ سے فرمایا : نماز فجر کے بعد بات چیت کرنے سے پہلے یہ کلمات سات مرتبہ پڑھ لیا کرو؛ اَللّٰہُمَّ اَجِرْنِی مِنَ النَّار (اے اللہ! مجھے جہنّم سے بچا)۔ اگر تم