اذان کے فضائل پر 3 احادیث

(1) : رسولِ اکرم ، نورِ مجسم  صلی اللہُ عَلَیْہِ وَ آلِہٖ وَسَلَّم  نے فرمایا : ثواب کی خاطِر اذان دینے والااُس شہیدکی طرح ہے جوخون میں لِتھڑاہواہے اورجب مرے گا توقبر میں  اس کے جسم میں کیڑے نہیں پڑیں گے^([1]) (2) : ایک حدیثِ پاک میں ہے ، فرمایا : میں جنّت میں گیا ، وہاں موتی کے گُنبددیکھے۔ پوچھا : اے جبرائیل!یہ کس کے واسِطے ہیں؟عَرض کی : آپ  صلی اللہُ عَلَیْہِ وَ آلِہٖ وَسَلَّم   کی اُمّت کے مُؤذِنَوں اور اماموں کے لئے^([2]) (3) : رحمتِ عالَم ، نورِ  مُجَسَّم  صلی اللہُ عَلَیْہِ وَ آلِہٖ وَسَلَّم   نے فرمایا : جس نے پانچوں  نَمازوں کی اذان ایمان کی بِناپربہ نیّتِ ثواب کہی اس کے جوگناہ پہلے ہوئے ہیں  مُعاف ہوجائیں گے۔ ^([3])

(5) : نماز ِ باجماعت کا اہتمام کیجئے

صحابئ رسول ، حضرت انس بن مالِک  رَضِیَ اللہُ عنہ سے روایت ہے ، تاجدارِ مدینہ ، قرارِ قلب و سینہ  صَلَّی اللہُ عَلَیْہ وَآلِہٖ وَسَلَّم  نے فرمایا : جو اللہ پاک کی رضا کے لئے 40 دِن تکبیرِ اولیٰ کے ساتھ باجماعت   نماز پڑھے ، اس کے لئے 2 آزادیاں لکھی جائیں گی : (1) : ایک آزادی نار (یعنی جہنّم) سے اور (2) : دوسری آزادی نفاق سے۔ ^([4])

میں پانچوں نَمازیں پڑھوں باجماعت       ہو توفیق ایسی عطا یاالٰہی!

میں پڑھتا  رہوں سنتیں ، وقت ہی پر                                        ہوں سارے نوافِل ادا یاالٰہی!