Book Name:Jahannam Se Chutkara Kaise Mila
دے شوقِ تلاوت دے ذَوقِ عبادت رہوں باوُضو میں سدا یا الٰہی([1])
(6) : بدھ اور جمعرات کا روزہ رکھئے!
فرمانِ آخری نبی ، رسولِ ہاشمی صَلَّی اللہُ عَلَیْہ وَآلِہٖ وَسَلَّم : جو بدھ اور جمعرات کو روزہ رکھے ، اس کے لئے جہنّم سے آزادی لکھ دی جاتی ہے۔ ([2]) ایک حدیثِ پاک میں ہے : جس نے رمضان اور شوّال کے روزے رکھے ، اسی طرح جس نے بدھ اور جمعرات کا روزہ رکھا ، وہ جنّت میں داخِل ہو گا۔ ([3])
اللہ پاک ہمیں بھی نفل روزے رکھنے کی توفیق عطا فرمائے۔ اٰمِیْن بِجَاہِ خَاتَمِ النَّبِیّٖنَ صَلَّی اللہُ عَلَیْہ وَآلِہٖ وَسَلَّم ۔
(7) : مسلمان بھائی کی حاجت پُوری کرنا
حضرت عبد اللہ بن عباس رَضِیَ اللہُ عنہما سے روایت ہے ، حضورِ اکرم ، نورِ مُجَسَّم صلی اللہُ عَلَیْہِ وَ آلِہٖ وَسَلَّم نے فرمایا : جو اپنے بھائی کی حاجت پُوری کرنے کے لئے چلے اور اس سے ہمدردی کرے تو اللہ پاک اس کے اور جہنّم کے درمیان 7 خندقیں بنا دے گا ، ان میں ہر خندق کا دوسری سے اتنا فاصلہ ہو گا ، جتنا زمین اور آسمان کے درمیان ہے۔ ([4])
پیارے اسلامی بھائیو! ہمیں بھی چاہئے کہ ہم جہنّم سے بچنے اور جنّت میں جانے کے لئے اپنے مسلمان بھائیوں سے ہمدردی کریں ، ان کے کام آئیں ، کسی کو قرض کی ضرورت