کہ جو کوئی مسلمان آج رات نماز یا ذِکْرُ اللہ میں مَصْرُوف ہے اس سے سلام ومصافحہ کرو اور اُن کی دُعاؤں پر آمین بھی کہو۔ چنانچہ فرشتے آپ کے حکم پر عمل کرتے ہیں اور صبح تک یہی سلسلہ رہتا ہے۔ ^([1])

مغفرت کا ہوں تجھ سے سوالی                   پھیرنا اپنے در سے نہ خالی

مجھ گنہگار کی التجا ہے                                یاخُدا تجھ سے میری دُعا ہے

نارِ دوزخ سے مجھ کو اماں دے                  مغفرت کر کے باغِ جناں دے

کر دے رحمت مری التجا ہے                    یاخُدا تجھ سے میری دُعا ہے

یاخُدا! ماہِ رمضاں کے صدقے                    سچّی توبہ کی توفیق دیدے

نیک بن جاؤں جی چاہتا ہے                     یاخُدا! تجھ سے میری دُعا ہے

میں نے مانا کہ سب سے بُرا ہوں                کس کا ہوں؟ تیرا ہوں میں ترا ہوں

ناز رحمت پہ مجھ کو بڑا ہے                         یاخُدا! تجھ سے میری دُعا ہے^([2])

باکرامت شمعون کی ایمان افروز حکایت

پچھلی اُمّتوں میں ایک نیک بزرگ ہوئے ہیں ، جن کا نام شَمْعُون تھا۔ حضرت شَمْعُون  رَحمۃُ اللہِ عَلَیْہ  بہت نیک ، پرہیز گار اور طاقتور تھے ، آپ  رَحمۃُ اللہِ عَلَیْہ  کا معمول تھا کہ روزانہ رات کو عبادت کرتے ، دِن کو روزہ رکھتے اور اس کے ساتھ ساتھ کافِروں کے ساتھ جہاد بھی کیا کرتے تھے۔ حضرت شَمْعُون  رَحمۃُ اللہِ عَلَیْہ  نے 1 ہزار مہینے اسی طرح گزارے ، بالآخر ایک بار