Book Name:Jahannam Se Chutkara Kaise Mila
جہنّم ہے جبکہ نیکوکار کے لئے جنّت کی ابدی نعمتیں ہیں ، آہ! نَہ جانے روزِ قیامت ہمارا حال کیا ہو گا؟ پتانہیں ہم نجات پا جائیں گے یا گُنَاہوں کے سبب عذاب میں گرفتار کر لئے جائیں گے۔ آہ! نفس و شیطان ہم پر غالِب ہیں ، گُنَاہ چھوڑے نہیں چھوٹتے ، تَوبہ کی طرف دِل مائِل نہیں ہوتا ، اگر توبہ کر ہی لیں تو استقامت نہیں رہتی آہ! ہم گنہگاروں کا روزِ قیامت نَہ جانےکیا بنے گا؟
ہائے حُسنِ عمل نہیں پلے حشر میں میرا ہو گا کیا یارَبّ!
گرمیِ حشر ، پیاس کی شِدَّت جامِ کوثر مجھے پلا یارَبّ!
خوف دوزخ کا آہ! رحمت ہو خاکِ طیبہ کا واسطہ یارَبّ!
میرا نازُک بدن جہنّم سے از طفیلِ رضا بچا یارَبّ! ([1])
صَلُّوْا عَلَی الْحَبِیْبِ! صَلَّی اللہُ عَلٰی مُحَمَّد
جہنّم سے بچنے کی بھرپُور کوشش کرو!
اللہ پاک کے پیارے اور آخری نبی ، رسولِ ہاشمی صلی اللہُ عَلَیْہِ وَ آلِہٖ وَسَلَّم نے فرمایا : حُصُولِ جنّت کے لئے بھرپُور کوشش کرو اور پُوری کوشش سے جہنّم سے دور بھاگو...! بےشک جنّت کا طلب گار کبھی غافِل نہیں ہوتا ، بےشک جہنّم سے بھاگنے والا کبھی غفلت کی نیند نہیں سوتا ، بےشک آخرت ناپسندیدہ کاموں سے بھرپُور ہے (یعنی آخرت میں کامیابی کے لئے نفسانی خواہشات کو چھوڑنا پڑتا ہے) جبکہ دُنیا لذّات اور خواہشات سے بھری ہوئی ہے ، پَس دُنیا کی یہ لذّتیں اور خواہشات تمہیں آخرت سے ہرگز غافِل نہ کر دیں۔ ([2])