جہنّم کا عذاب نہایت سخت ہے

اے عاشقانِ رسول! بےشک جہنّم کوئی ایسی چیز نہیں کہ اس سے غفلت برتی جائے ، جہنّم کا عذاب انتہائی ہولناک ہے۔ اللہ پاک قرآنِ کریم میں ارشاد فرماتا ہے :

وَ اَنَّ عَذَابِیْ هُوَ الْعَذَابُ الْاَلِیْمُ(۵۰)  (پارہ : 13 ، سورۂ حجر : 50)    

ترجَمہ کنزُ الایمان : اور میرا ہی عذاب دردناک عذاب ہے۔

ایک  مقام پر ارشاد ہوتا ہے :

وَ لَعَذَابُ الْاٰخِرَةِ اَشَدُّ وَ اَبْقٰى(۱۲۷)  (پارہ : 16 ، سورۂ طٰہٰ : 127)       

ترجَمہ کنزُ الایمان : اور بےشک آخرت کا عذاب سب سے سخت تر اور سب سے دیرپا ہے۔

گناہگار ہوں میں لائقِ جہنَّم ہوں                                                                                  کرم سے بخش دے مجھ کو نہ دے سزا یارب

بُرائیوں پہ پَشَیماں ہوں رَحم فرمادے                                                     ہے تیرے قَہر پہ حاوی تری عطا یارب

صَلُّوْا عَلَی الْحَبیب!                                                                                               صَلَّی اللّٰہُ عَلٰی مُحَمَّد

پہاڑ زمین میں دھنس جائیں

ایک مرتبہ حضرت جبریلِ امین  عَلَیْہِ السَّلَام   بارگاہِ رسالت میں حاضِر ہوئے ، ان کا رنگ بدلا ہوا تھا ، رسولِ اکرم ، نورِ  مُجَسَّم  صلی اللہُ عَلَیْہِ وَ آلِہٖ وَسَلَّم   نے پوچھا : جبریل! کیا بات ہے؟ میں آپ کا رنگ بدلا ہوا دیکھ رہا ہوں حضرت جبریلِ امین  عَلَیْہِ السَّلَام   نے عرض کیا : یارسولَ اللہ  صلی اللہُ عَلَیْہِ وَ آلِہٖ وَسَلَّم  ! اس وقت اللہ پاکنے جہنّم کو دہکانے کا حکم دیا ہے۔ رسولِ خُدا ، احمدِ مجتبیٰ  صلی اللہُ عَلَیْہِ وَ آلِہٖ وَسَلَّم