اللہُ اَکْبَر!اے عاشقانِ رسول!  غور فرمائیے! وقت کے بڑے بڑے مشائِخ ، بڑے بڑے پِیْر ، اولیاءُ اللہ ، اللہ پاک کے نیک بندے ہمارے آقا ، اعلیٰ حضرت ، امامِ اہلسنت شاہ امام احمد رضا خان  رَحمۃُ اللہِ عَلَیْہ   کی کیسی عزّت کرتے تھے ،  ان سب کا گویا ایک ہی مؤقف تھا ، وہ یہ کہ اس دورکےاَوْلِیَائے کامِلین کےسردار بریلی کے تاجدار ، اعلیٰ حضرت شاہ امام احمد رضا خان  رَحمۃُ اللہِ عَلَیْہ   ہی ہیں۔

یہ سب اولیائے کرام اعلیٰ حضرت  رَحمۃُ اللہِ عَلَیْہ   کے دامنِ کرم سے وابستہ ہو جانے ، آپ کے مریدوں میں شامِل ہونے اور آپ کے پیچھے پیچھے چلتے جانے کی تلقین فرمایا کرتے تھے۔ اللہ پاک ہمیں اعلیٰ حضرت  رَحمۃُ اللہِ عَلَیْہ   کی سچّی پکّی غلامی نصیب فرمائے۔ یقیناً اعلیٰ حضرت  رَحمۃُ اللہِ عَلَیْہ   پِیْرِ کامِل ہیں ، اللہ پاک ہمیں مریدِ کامِل بننے کی توفیق نصیب کرے۔ اٰمِیْن بِجَاہِ خَاتَمِ النَّبِیّٖنَ  صلی اللہُ عَلَیْہِ وَ آلِہٖ وَسَلَّم  ۔

میں گرفتارِ بلائے دوجہاں                  ہر بلا سے کر رِہا احمد رضا!

تُم ہی مُرْشِد ، تم دوائے رنج و غم          مجھ پہ بھی چشمِ عطا احمد رضا!

اعلیٰ حضرت کی اپنے مُریدوں کے لئے نصیحتیں  

پیارے اسلامی بھائیو! اعلیٰ حضرت ، امامِ اہلسنت  رَحمۃُ اللہِ عَلَیْہ  پِیْرِ کامِل ہیں ، آپ اپنے مریدوں کو گمراہی اور بےعملی سے بچایا کرتے اور اپنے مریدوں کی ظاہِری و باطنی اِصْلاح کے لئے بھر پُور کوشش فرمایا کرتے تھے۔

سیدی اعلیٰ حضرت  رَحمۃُ اللہِ عَلَیْہ  وقتاً فوقتاً اپنے مُریدوں کی اصلاح کے لئے جو نصیحتیں ارشاد فرماتے تھے ، آئیے! اُن میں سے چند نصیحتیں سُنتے اور نیت کرتے ہیں کہ پِیْرِ کامِل اعلیٰ