اضافہ فرمائے، میری یہ مجال نہیں کہ میں آپ کی مبارک چادر پر بیٹھوں، یہ کہہ کر آپ نے چادر مبارک بارگاہِ رسالت میں پیش کر دی۔

اس پر اللہ پاک کے آخری نبی، رسولِ ہاشمی  صلی اللہُ عَلَیْہِ وَ آلِہٖ وَسَلَّم   نے فرمایا: اِذَا اَتَاکُمْ کَرِیْمُ قَوْمٍ فَاَکْرِمُوْہُ یعنی جب تمہارے پاس قوم کا عزّت دار شخص آئے تو اس کی عزّت کرو! ^([1])

اے عاشقانِ رسول!  قربان جائیے! رسولِ خُدا، احمدِ مجتبیٰ  صلی اللہُ عَلَیْہِ وَ آلِہٖ وَسَلَّم   کی ان خوش گوار اور نِرالی اداؤں پر...!! دوجہاں کے سردار ہیں، اللہ پاک نے اپنی محبوبِیّت کا تاج عطا فرمایا، نبیوں کا امام بنایا، اتنا اَرْفَع و اعلیٰ، بلند ترین مقام ہونے کے باوُجود مبارک انداز دیکھئے! کیسے نِرالے ہیں، ایک غُلام حاضِر ہوتے ہیں اور سرکارِ مدینہ، راحتِ قلب و سینہ  صلی اللہُ عَلَیْہِ وَ آلِہٖ وَسَلَّم   انہیں اپنی چادر عطا فرماتے ہیں۔ سُبْحٰنَ اللہ!

تم عرش کے تاجدار مولیٰ                  تم فرش کے باوقار آقا

اس شان کے ہم نے کیا کسی نے         دیکھے نہیں زِینہار آقا

ایسا تو کہیں سُنا نہ دیکھا                     بندوں کا اُٹھائیں بار آقا

جن کی کوئی بات تک نہ پوچھے             ان پر تمہیں آئے پیار آقا

ہو جانِ حسنؔ  نثار تجھ پر                     ہو  جاؤں  ترے  نثار  آقا^([2])

صَلُّوْا عَلَی الْحَبیب!                                                                                               صَلَّی اللّٰہُ عَلٰی مُحَمَّد

ہر مسلمان عزَّت دار ہے

پیارے اسلامی بھائیو! اللہ پاک نے مسلمان کو عزَّت سے نوازا ہے، کوئی غریب ہے یا