لَبَّيْك اَللّٰھُمَّ لَبَّيْكپڑھوں تو لَا لَبَّيْك  نہ فرما دیا جائے ، یعنی اللہ پاک  کی بارگاہ میں  سے یہ جواب نہ آ جائے کہ تمہارا حاضر ہونا قبول نہیں۔ لوگوں نے عَرْض کیا : عَالِی جاہ! اِحْرام باندھ کر تَلْبِیَہ (یعنی لَبَّيْك اَللّٰھُمَّ لَبَّيْك ) پڑھنا ضروری ہے۔ اب امام زین العابدین  رَضِیَ اللہُ عنہ  نے شَرْعی حکم پر عمل کرنے کے لئے  پڑھنا شروع کیا : لَبَّيْك اَللّٰھُمَّ لَبَّيْك ...

یہ پڑھا ہی تھاکہ خُوفِ خدا غالِب آگیااور آپ   رَضِیَ اللہُ عنہ  غش کھا کر زمین پر تشریف  لے آئے۔ حج کے دوران آپ کی یہی کَیفیَّت رہی ، منٰی میں ، عرفات میں ، صفا مروہ پر جب بھی آپ لَبَّيْك اَللّٰھُمَّ لَبَّيْك پڑھتے تو آپ پر بےہوشی طاری ہو جاتی۔ ^([1])

محبت میں اپنی گما  یا الٰہی!                          نہ پاؤں میں اپنا پتا یا الٰہی!

مرے  اشک بہتے رہیں کاش ہر دم              ترے خوف سے یا خدا یا الٰہی!

ترے خوف سے تِرے ڈر سے ہمیشہ           میں   تھر   تھر   رہوں   کانپتا   یا   الٰہی! ^([2])

امام زین العابدین  رَضِیَ اللہُ عنہ  پر اللہ پاک کی  کروڑوں رحمتیں نازل ہوں اور ان کے صدقے ہماری بے حساب  مَغْفِرت ہو۔ اٰمِیْن بِجَاہِ خَاتَمِ النَّبِیّٖنَ   صلی اللہُ عَلَیْہِ وَ آلِہٖ وَسَلَّم  ۔

 اعلیٰ حضرت شاہ امام احمد رضا خان  رَحمۃُ اللہِ عَلَیْہ  امام زین العابدین  رَضِیَ اللہُ عنہ  کی خدمت میں اِسْتِغاثَہ پیش کرتے ہوئے عَرْض کرتے ہیں :

اے تُرا زَیْن  اَزْ عِبَادت وزِ تُو زَیْنِ عابداں          بہرِ ایں  بے زِینت  اَزْ زَیْن وصَفَا امداد کن^([3])

وضاحت : اے وہ ذات کہ جو عبادت کے نور سے مُنَوَّر ہیں ، اور اے وہ ذات !جن کی برکت سے