رسولِ اکرم ، نورِ مُجَسَّم  صلی اللہُ عَلَیْہِ وَ آلِہٖ وَسَلَّم   نے فرمایا : مَنْ اَضْحٰى يَوْماً مُحْرِماً مُلَبِّياً حَتَّى غرَبَتِ الشَّمْسُ غَرَبَتْ بِذُنُوبِهِ فَعَادَ كَمَا وَلَدَتْهُ اُمُّهُ یعنی جس نے اس حال میں صبح کی کہ وہ اِحْرام باندھے ہوئے تھا ، تَلْبِیَہ پڑھ رہا تھا (اور سارا دِن اسی حال میں رہا) یہاں تک کہ سورج غروب(Sunset) ہو گیا ، تو یہ جو سورج غروب ہوا ہے ، یہ اس کےگناہوں کو ساتھ لے کر ڈوب گیا ، اب یہ بندہ ایسے ہو جائے گا جیسے اس کی ماں نے اس کو جنا تھا۔ ^([1])  (3) : رسولِ رحمت ، شفیعِ اُمَّت  صلی اللہُ عَلَیْہِ وَ آلِہٖ وَسَلَّم   نے فرمایا : 3آوازیں ایسی ہیں جن پر اللہ پاک فرشتوں کے سامنے فخر فرماتا ہے : (1) : اذان کی آواز (2) : راہِ خدا میں تکبیر (یعنی  اللہ اَکْبَر) کہنے کی آواز اور (3) : تَلْبِیَہ   پڑھنے کی بلند آواز۔ ^([2])

تم اِحْرام میں خوب لَبَّیک پڑھنا                     ثواب اس میں لَا رَیْب ^{(بے شک)} حد سے  سوا ہے^([3])

صَلُّوْا عَلَی الْحَبیب!                                                                                               صَلَّی اللّٰہُ عَلٰی مُحَمَّد

میدانِ محشر میں لَبَّیْک اَللّٰہُمَّ لَبَّیْک کی دُھوم دھام

حضرت وَہْب بن مُنَبِّہ  رَحمۃُ اللہِ عَلَیْہ  فرماتے ہیں : تورات شریف (جو آسمانی کتاب ہے ، حضرت موسیٰ   عَلَیْہ السَّلَام  پر نازل ہوئی ، اس کتاب) میں لکھا ہے : اللہ پاک روزِ قیامت اپنے 7 لاکھ مُقَرَّب فرشتوں کو سونے کی زنجیریں(Golden Chains) عطا فرمائے گا اور حکم دے گاکہ ان زنجیروں کے ساتھ کعبہ شریف کو میدانِ محشر میں لے آؤ! فرشتے جائیں گے ، ان سونے کی زنجیروں کے ساتھ کعبہ شریف کو باندھیں گے ، پھر ایک فرشتہ پکار کر