یَا اَللہُ  یَا  رَحْمٰنُ                                                                                                                                                   یَا حَنَّانُ   یَا مَنَّانُ

بخش دے بخشے ہوؤں کا صدقہ                                                                    یَااَللّٰہ مِری جھولی بھر دے

حج کمزوروں کا جہاد ہے

شہیدِ کربلا حضرت امام حسین رَضِیَ اللہُ عنہ سے روایت ہے :  ایک مرتبہ ایک شخص اللہ پاک کے آخری نبی ،  رسولِ ہاشمی  صلی اللہُ عَلَیْہِ وَ آلِہٖ وَسَلَّم   کی خدمت میں حاضر ہوا اور عَرْض کیا :  یَا رسولَ اللہ  صلی اللہُ عَلَیْہِ وَ آلِہٖ وَسَلَّم  ! میں بہت کمزور ہوں ،  جِہاد پر نہیں جا سکتا ،   اللہ پاک کے رسول ، رسولِ مقبول صلی اللہُ عَلَیْہِ وَ آلِہٖ وَسَلَّم نے فرمایا : هَلُمَّ اِلٰى جِهَادٍ لَا شَوْكَةَ فِيهِ  : الْحَجِّتم اس جہاد کی طرف بڑھو!جس میں کانٹے کا خطرہ نہیں یعنی حج ادا کیا کرو۔⁽[1]⁾

حجِ مَبْرُور کی فضیلت

رسولِ اکرم ، نورِ  مُجَسَّم  صلی اللہُ عَلَیْہِ وَ آلِہٖ وَسَلَّم  نے فرمایا :  حَجَّةٌ مَّبْرُوْرَةٌ خَيْرٌ مِّنَ الدُّنْيَا وَمَا فِيهَا حجِ مَبْرُور یعنی مقبول  حج  دنیا اور جو کچھ دنیا میں ہے اس سب سے بہتر ہے وَ حَجَّةٌ مَّبْرُوْرَةٌ لَيْسَ لَهَا جَزَاءٌ اِلَّا الْجنَّة اور مقبول حج کی جزا  صرف و صرف جنّت ہی ہے۔⁽[2]⁾

حجِ مَبْرُور کسے کہتے ہیں؟

مفتی احمد یار خان نعیمی  رَحمۃُ اللہِ عَلَیْہ  فرماتے ہیں  : حجِ مَبْرُور سے مراد وہ حج ہے :  جس میں گناہ سے بچا جائے ،  یا وہ حج جس میں رِیا و نام و نُمود سے پرہیز ہو  ، یا وہ حج جس کے بعد حاجی مرتے وقت تک گناہوں سے بچے ، حج برباد کرنے والا کوئی عمل نہ کرے۔^([3])