جب وہ تَلْبِیَہ (یعنی لَبَّيْك اَللّٰھُمَّ لَبَّيْك )کہتا تو غیب سے آواز آتی :  لَا لَبَّيْك (یعنی تیرا لَبَّيْك کہنا قبول نہیں) ،  حضرت مالک بن دینار  رَحمۃُ اللہِ عَلَیْہ  فرماتے ہیں : 14 وَیں  سال میں نے اس شخص سے پوچھا : اے درویش! تُو بہرا تو نہیں ہے؟ کیا تجھے سنائی نہیں دیتا؟ لَا لَبَّيْك کی آواز آرہی ہے۔ اس شخص نے بڑا عشق بھرا جواب دیا ،  کہا :  اے شیخ! میں قسم کھا کر کہتا ہوں اگر14 سال کی  بجائے میری عمر 14ہزار سال ہو اورسال  میں 1 مرتبہ کی بجائے ،  ہر روز ہزار مرتبہ مجھے لَا لَبَّيْك کہا جائے ،  پھر بھی میں اس دروازےکو  چھوڑ کر کہیں نہیں جا سکتا ، میں اس دروازے پر پڑا رہوں گا کبھی اس دروازے سے سر نہیں اٹھاؤں گا۔

کس کے در پر میں جاؤں گا مولا                                                                    گر تُو ناراض ہوگیا یَارَبّ!

حضرت مالک بن دینار  رَحمۃُ اللہِ عَلَیْہ فرماتے ہیں :  ابھی میں اس شخص کے ساتھ مصروفِ گفتگو تھاکہ اچانک آسمان سے کاغذ کا ایک ٹکڑا    اس درویش کے سینے پر گرا اُس نے وہ کاغذ میری طرف بڑھایا۔میں نے پڑھا ،  اس میں لکھا تھا : اے مالک بن دینار! تُو میرے بندے کو مجھ سے جدا کرتا ہے ،  تُو  سمجھتا ہے کہ میں نے اس کے 14 سال کے حج قبول (Accept) نہیں کیے؟ ایسا نہیں ہے ، بلکہ اس مُدّت میں آنے والے تمام حاجیوں کے حج بھی اس کی پکار ہی کی برکت سے قبول ہوئے ہیں۔^([1])

یَا اللہُ  یَا  رَحْمٰنُ                                                                                                                                                   یَا حنّانُ   یَا مَنّانُ

بخش دے بخشے ہوؤں کا صدقہ                                                                    یا اللّٰہ مِری جھولی بھر دے

اے عاشقانِ رسول! حج کے ایام قریب ہیں * خوش بخت لوگ جنہیں حج کی سعادت کا مُژدَہ مل چکا ہے