Book Name:Shoq e Madina
اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ط
اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ط بِسْمِ اللہ الرَّحْمٰنِ الرَّ حِیْم ط
اَلصَّلٰوۃُ وَ السَّلَامُ عَلَیْكَ یَا رَسُولَ اللہ وَعَلٰی اٰلِكَ وَ اَصْحٰبِكَ یَا حَبِیْبَ اللہ
اَلصَّلٰوۃُ وَ السَّلَامُ عَلَیْكَ یَا نَبِیَّ اللہ وَعَلٰی اٰلِكَ وَ اَصْحٰبِكَ یَا نُوْرَ اللہ
نَوَیْتُ سُنَّتَ الْاِعْتِکَاف (ترجمہ : میں نے سُنَّت اعتکاف کی نِیَّت کی)
مشہور صحابئ رسول حضرت ابوہریرہ رَضِیَ اللہ عنہ سے روایت ہے : اللہ پاک کے آخری نبی ، رسولِ ہاشمی ، مکی مدنی ، مُحَمَّدِ عربی صلی اللہ عَلَیْہِ وَ آلِہٖ وَسَلَّم نے فرمایا : جو میری قبر کے پاس مجھ پر سلام عَرْض کرے ، اللہ پاک اُس پر ایک فرشتہ مقرر فرمائے گا ، جو مجھ تک اس کا سلام بھی پہنچائے گا اور دُنیا وآخرت کے کاموں میں اُس کی کفایت بھی کرے گا اور قیامت کے دن میں (سلام پیش کرنے والے) کی شفاعت بھی کروں گا۔ ([1])
اے عاشقانِ رسول! بہت ہی عظیم سَعادت ہے کہ بندے کو مدینۂ مُنَوَّرَہ کی حاضری کا موقع نصیب ہو * جس پیارے آقا ، مدینے والے مصطفےٰ صلی اللہ عَلَیْہِ وَ آلِہٖ وَسَلَّم کا ہم کلمہ پڑھتے ہیں * جن کی محبت دلوں میں سجائے رکھتے ہیں * جن کی شَفاعت کی اُمّید باندھے ہوئے ہیں * ان آقا کریم ، رَؤفٌ رّحیم صلی اللہ عَلَیْہِ وَ آلِہٖ وَسَلَّم کے روضۂ پُر نور کی زیارت کا شَرف نصیب ہو * سنہری جالیاں ہوں * ہاتھ باندھ کر * سر جُھکا کر * دل میں یادِ مصطفےٰ سجا کر * آنسو بہاتے ہوئے * تڑپ تڑپ کر اپنے آقا و مولا ، مکی مدنی مصطفےٰ صلی اللہ عَلَیْہِ وَ آلِہٖ وَسَلَّم کے پاک دربار میں سلامِ عقیدت پیش کر رہے ہوں ، یقین کیجئے! یہ سَعادت مل جانا ہی بہت بڑااِنعْام ہے ، جس