ضرور اللہ کو توبہ قبول کرنے والا بخشنے والا پائیں گے۔

اس سے پتا چلا!مدینۂ مُنَوَّرَہ میں روضۂ مصطفےٰ کے سامنےحاضر ہو جانے سے مَغفِرَت کی بھیک ملتی ہے۔

ایک آیت میں اللہ پاک فرماتا ہے :  

وَ  سَارِعُوْۤا  اِلٰى  مَغْفِرَةٍ  مِّنْ  رَّبِّكُمْ  وَ  جَنَّةٍ   (پارہ : 4 ، سورۂ آلِ عمران : 133)

ترجَمہ کنزُ العرفان : اور اپنے رب کی بخشش اور اس جنت کی طرف دوڑو۔

اعلیٰ حضرت کے والد محترم مولانا نقی علی خان رَحمۃُ اللہ عَلَیْہ نے اس جگہ بہت ایمان افروز مدنی پھول دیا ہے  ،  آپ کے فرمان کا خُلاصہ(Summary) ہے کہ ان دونوں آیتوں کو ملا دیجئے!پہلی آیت میں اللہ پاک نے یہ بتایا ہے کہ مدینۂ مُنَوَّرَہ میں حاضر ہونے  ،  وہاں توبہ کرنے سے ، رسولِ اکرم صلی اللہ عَلَیْہِ وَ آلِہٖ وَسَلَّم کی شفاعت کی بَرکت سے مَغفرت ملتی ہے  ،  دوسری آیت میں رَبِّ کریم فرماتا ہے  : رَبّ کی مَغفِرَت کی طرف جلدی جلدی دوڑ کر پہنچو ، ان دونوں آیتوں کو ملانے کا نتیجہ یہ نکلے گاکہ قرآن ہمیں یہ تعلیم دے رہا ہے : اے گناہ گار بندو! اے محبوب کے اُمّتیو! اے عاشقانِ رسول!  جو اپنی جانوں پر ظلم کر بیٹھے ہو  ،  بالکل دیر مت لگاؤ !نہایت جلدی سے اپنے محبوب آقا  ، مکی مدنی مصطفےٰ صلی اللہ عَلَیْہِ وَ آلِہٖ وَسَلَّم کے قدموں میں پہنچ جاؤ! کہ وہاں تمہیں مغفرت کی خیرات ملے گی۔  ^([1])

 سُبْحٰنَ اللہ! پتا چلا !مدینۂ مُنَوَّرَہ  حاضِری کے لئے جلدی کرنا قرآنی آیات کا مطلوب ہے  ،  لہٰذا ہمیں چاہئے کہ ہم مدینۂ مُنَوَّرَہ  حاضِری کے لئے جلدی کریں  ،  جتنی جلدی ہو سکے