خوش نصیب کو زندگی میں ایک بار بھی یہ موقع نصیب ہو جائے  ،  یقیناً وہ مقدر کا سِکَنْدَر ہے۔  

لیکن قربان جائیے!کریم کا کرم رُکتا نہیں ہے ، جو کرم والے ہوتے ہیں ان کا کرم مَحدُود نہیں ہوتا۔ ایک تو یہی سَعادت بہت بڑی ہےکہ بندے کو وہاں حاضری کا موقع نصیب ہو جائے  ،  سلام عَرْض کرنے کی سَعادت مل جائے  ،  اس کے ساتھ ساتھ سعادَت پانے والے پر مزید کرم یہ بھی ہوتا ہے کہ آقا کریم صلی اللہ عَلَیْہِ وَ آلِہٖ وَسَلَّم کے صدقےمیں اللہ پاک اس بندے کے ساتھ ایک فرشتہ مقرر فرما دیتا ہے جو سرورِ عالم  ،  نورِ  مُجَسَّم صلی اللہ عَلَیْہِ وَ آلِہٖ وَسَلَّم کی خدمت میں اس کا سلام بھی عَرْض  کرتا ہے اور سلام عَرْض کرنے والے کے دُنیوی اور اُخروی کاموں میں کِفایَت  بھی کرتا ہے  ،  یہاں تک بَس نہیں  ،  اس پر  مزید کرم بالائے کرم یہ ہوتا ہے کہ سَروَرِ عالم  ،  نورِ  مُجَسَّم صلی اللہ عَلَیْہِ وَ آلِہٖ وَسَلَّم روزِ قیامت اس (سلام عرض کرنے والے ) کو شفاعت سے بھی نوازیں گے۔

عَجَب کرم شَہِ والا تبار کرتے ہیں                                                         کہ نااُمِّیدوں کو اُمِّید وار کرتے ہیں

مجھے فَسُردَگئ بخت کا اَلَم  کیا ہو                                                                            وہ ایک دَم میں خِزَاں کو بہار کرتے ہیں

جو خوش نصیب یہاں خاکِ دَر پہ بیٹھتے ہیں             جلوسِ مَسندِ شاہی سے عار کرتے ہیں^([1])

وضاحت : ہمارے آقا و مولیٰ  ،  مکی مدنی مصطفےٰ صلی اللہ عَلَیْہِ وَ آلِہٖ وَسَلَّم کی کرم نوازیاں بھی کمال ہیں کہ نااُمِّیدوں کو اُمِّید عطا فرماتے ہیں۔  مجھے بدقسمتی کا غم کیوں ہو  ،  آپ صلی اللہ عَلَیْہِ وَ آلِہٖ وَسَلَّم ایک دَم میں خزاں کو بہار (یعنی بُری قسمت کو بھلی) کر دیتے ہیں  ،  وہ خوش نصیب جن کو  خاکِ مدینہ پر بیٹھنا نصیب ہو جائے  ،  وہ بادشاہوں کے تخت کو خاطِر میں نہیں لاتے۔  

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد