کی آمد آمد ہے ، اِن کے استقبال اور آپ کی خدمت کے لیے ہم آئی ہیں۔ اے آمنہ رَضِیَ اللہ  عَنْہا ! دروازے کے باہر نظر ڈالو چاروں طرف تاحدِ نظرفرشتوں کے میلے لگے ہوئے ہیں ، گھر میں حوریں در پہ  فرشتے ہیں ، جن کی قطاریں  آسمان تک ہیں “ ۔

     پیارے نبی ، میٹھے نبی ، اچھے نبی ، سچے نبی ، آمنہ کے آنکھوں کے تارے نبی ، دائی حلیمہ کے دُلارے نبی ، بے سہاروں کے سہارے نبی  صَلَّی اللہ  عَلَیْہِ واٰلِہٖ وَسَلَّمَ ختنہ شدہ ، ناف بریدہ ، سُرمگیں آنکھوں کے ساتھ تشریف لائے ۔ ہر قسم کی آلائش سے پاک بلکہ دوسروں کو گناہوں کی آلائشوں سے پاک کرنے کے لیے تشریف لائے۔غیب سے آواز آنے لگی ربِّ کعبہ کی قسم! کعبہ کو عزت مل گئی ۔ ہوشیار ہو جاؤ کہ کعبہ کو ان کا قبلہ و مسکن ٹھہرا دیا گیا۔

    محبوبِ ربِّ العزت ، مصطفی جانِ رحمت  صَلَّی اللہ  عَلَیْہِ واٰلِہٖ وَسَلَّمَ نے دُنیا میں تشریف لاتے ہی ربِّ  کریم کی بارگاہ میں سجدہ کیا ۔ مبارک اُنگلیاں آسمان کی طرف اُٹھی ہوئی تھیں۔جنّتی پھولوں سے بڑھ کر حسین ہونٹ حرکت کر رہے تھے اور آواز آرہی تھی ، رَبِّ ھَبۡ لِیۡ اُمَّتِیۡ ، رَبِّ ھَبۡ لِیۡ اُمَّتِیۡ ، رَبِّ ھَبۡ لِیۡ اُمَّتِیۡ ، ولادت ِ مُصْطَفٰے صَلَّی اللہ  عَلَیْہِ واٰلِہٖ وَسَلَّمَ کے موقع پر 3 جھنڈے نصب کیے گئے ، ایک مشرق میں ، ایک مغرب میں اور ایک خانہ کعبہ کی چھت پر۔

 حضرت آمنہ رَضِیَ اللہ  عَنْہا فرماتی ہیں ، وِلادت ِ مُصْطَفٰے صَلَّی اللہ  عَلَیْہِ واٰلِہٖ وَسَلَّمَ کے وقت ایسا نور چمکا کہ مشارق و مغارب روشن ہوگئے اور میں نے مکے سے شام کے محلات واضح طور پر دیکھ لیے۔

صَلُّوا عَلَی الْحَبیب!        صَلَّی اللہ  عَلٰی مُحَمَّدٍ

 پیارے اسلامی بھائیو! اللہ پاک کے حبیب  صَلَّی اللہ  عَلَیْہِ واٰلِہٖ وَسَلَّمَ نے دُنیا میں تشریف لاتے ہی سجدہ فرمایا ، کاش! اُس سجدے کے صدقے میں ہمیں سجدوں کی توفیق نصیب ہو جائے اور ہم پانچوں نمازیں مسجد میں تکبیرِ اولیٰ کے ساتھ صفِ اوّل میں پڑھنے کے عادی بن جائیں۔ یاد رکھیئے! ہر مسلمان