رکھے گا۔   ( مجمع الزوائد ، کتاب الادعیۃ ، باب الصلاۃ علی النبی… الخ ، ۱۰ / ۲۵۳ ،  حدیث : ۱۷۲۹۸  )

صَلُّوْا عَلَی الْحَبِیْب !                                            صَلَّی اللہ  عَلٰی مُحَمَّد 

فرمانِ مصطفےٰ صَلّی اللہ عَلَیْہ وآلِہ وسَلَّم : اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔  ^{( [1] )}  اے عاشقانِ رسول ! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے ! مثلاً نیت کیجئے !  * عِلْم سیکھنے کے لئے پورا بیان سُنوں گا   *  با اَدب بیٹھوں گا  * دورانِ بیان سُستی سے بچوں گا   * اپنی اِصْلاح کے لئے بیان سُنوں گا   * جو سُنوں گا دوسروں تک پہنچانے  کی کوشش کروں گا۔

صَلُّو ْا عَلَی الْحَبِیْب !                                              صَلَّی اللہ  عَلٰی مُحَمَّد

پیارے پیارے اسلامی  بھائیو ! اَلْحَمْدُلِلّٰہ ماہِ رَبِیْعُ الاۤخر جاری ہے اور آج اس کی گیارہویں رات بھی ہے ، جس کوعاشقانِ غوثِ اعظم بڑی گیارہویں شریف بھی کہتے ہیں۔اس تاریخ کو دنیا بھر میں عاشقانِ غوث و رضا ، حضرت شیخ عبدُالقادر جیلانی رَحْمَۃُ اللہ عَلَیْہ کاعُرس مبارک نہایت ہی عقیدت و اِحترام کے ساتھ مناتے ہیں۔دُنیا بھر میں عاشقانِ رسول  مختلف اندازسے حضورغوثِ پاک رَحْمَۃُ اللہ عَلَیْہ کی روحِ مبارکہ کو ثواب پہنچانے کااِہتمام کرتے ہیں ، کہیں اِجتماعات کااِنعقاد کیا جاتاہے توکہیں قرآن خوانی کاسلسلہ ہوتاہے ، کہیں مَدَنی مذاکروں کے ذریعے عاشقانِ غوثِ اعظم جمع ہوتے ہیں توکہیں نفل روزے رکھ کر ثواب پہنچانے کا اہتمام ہوتاہے۔کہیں غوثِ پاک کی پاکیزہ روح کو ثواب پہچانے کے لیے تقسیمِ رسائل کی بہاریں ہوتی ہے توکہیں اجتماعات میں لنگرِ غوثیہ کا اِہتمام ہوتاہے۔

اَلْحَمْدُلِلّٰہ ! عاشقانِ رسول کی  دینی تحریکدعوتِ اسلامی کے  دینی ماحول میں دُنیابھر میں اِس بڑی