اَلْحَمْدُ لِلّٰہ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہ الرَّحْمٰنِ الرَّ حِیْم ^ط

اَلصَّلٰوۃُ وَ السَّلَامُ عَلَیْكَ یَا رَسُولَ اللہ                                                       وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ                                                                        وَعَلٰی اٰلِكَ وَ اَصْحٰبِكَ یَا نُوْرَ اللہ

نَوَیْتُ سُنَّتَ الْاِعْتِکَاف                                    ( ترجمہ : میں نے سُنَّت اعتکاف کی نِیَّت کی )

درودِ پاک کی فضیلت

حضرت عبداللہ ابن مسعود  رِضِیَ اللہ ُ عنہما سے روایت ہے کہ میں نَماز پڑھ رہا تھا اور رسولِ اکرم ، نورِ مُجَسَّم صَلَّی اللہ عَلیہ وَآلہٖ و َسَلَّم اور ابو بکر و عمر  رَضِیَ اللہ ُ عنہما آپ کے ساتھ تھے   ( فرماتے ہیں  ) جب میں بیٹھا تو اللہ پاک  کی حمد سے ابتدا کی پھر حُضُور پُر نور صَلَّی اللہ عَلیہ وَآلہٖ و َسَلَّم پر درود شریف پڑھا پھر میں نے اپنے لئے دُعا کی تو آپ صَلَّی اللہ عَلیہ وَآلہٖ و َسَلَّم نےفرمایا : مانگ!عطا کیا جائے گا ، مانگ!عطاکیاجائے گا۔  ^{( [1] )}  

مشہور مفسرِ قرآن ، حکیم الاُمَّت مفتی احمد  یار خان نعیمی رَحمۃُ اللہ عَلَیْہ اِس حدیثِ پاک کے تحت فرماتے ہیں : دُعا میں ترتیب یہ چاہئے کہ پہلے حمد ِالٰہی  کرے پھر درود شریف پڑھے پھر اپنے گناہوں کی معافی چاہے۔دورانِ دُعا بار بار درود شریف پڑھتا رہے درودوں سے بھری ہوئی دُعا اِنْ شَآءَ اللہ الْکَرِیْم!رَدّ نہیں ہوتی۔ ^{( [2] )}

ہے سب دعاؤں سے بڑھ کر دُعا دُرود وسلام  کہ رفع کرتا ہے ہر اِک بَلا دُرود وسلام

صَلُّوا عَلَی الْحَبِیب!    صَلَّی اللهُ علٰی مُحَمَّد