ہوں درود و سلام آقا لب پر مُدام           ہر گھڑی  دَم  بَدَم ،  تاجدارِ  حرم ^{( [1] )}

صَلُّوْا عَلَی الْحَبیب !                      صَلَّی اللّٰہُ عَلٰی مُحَمَّد

بیان سننے کی نیتیں

حدیثِ پاک میں ہے : اَلنِّیَّۃُ الْحَسَنَۃُ تُدْخِلُ صَاحِبَہَا الْجَنّۃَ  اچھی نیت بندے کو جنت میں داخِل کروا دیتی ہے۔ ^{( [2] )}    

اے عاشقانِ رسول ! اچھی اچھی نیتوں سے عمل کا ثواب بڑھ جاتا ہے۔ آئیے ! بیان سننے سے پہلے کچھ اچھی اچھی نیتیں کر لیتے ہیں ، مثلاًنیت کیجئے ! * رضائے الٰہی کے لئے پورا بیان سُنوں گا * بااَدَب بیٹھوں گا * خوب تَوَجُّہ (Attention )  سے بیان سُنوں گا * جو سنوں گا ، اسے یاد رکھنے ، خُود عمل کرنے اور دوسروں تک پہنچانے کی کوشش کروں گا۔

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

سردی اور گرمی کا اِحْساس ہی نہ ہوتا

حضرت عبد الرحمٰن بن اَبُو لیلیٰ  رَضِیَ اللہ عنہما فرماتے ہیں : مسلمانوں کے چوتھے خلیفہ حضرت علی المرتضیٰ شیرِ ِخُدا رَضِیَ اللہ عنہ کی عادَت مبارک تھی کہ آپ شدید سردی کے دِنوں میں باریک کپڑے پہنتے اور سخت گرمی کے دِنوں میں موٹے  (یعنی گرم )  کپڑے پہنتے تھے۔ لوگوں کو یہ دیکھ کر بڑا تعجب ہوتا ، ایک دِن لوگوں نے مجھے  ( یعنی حضرت عبد الرحمٰن بن ابو لیلیٰ  رَضِیَ اللہ عنہما  ) سے کہا : آپ اپنے والِد صاحب کے ذریعے امیر المؤمنین حضرت علی رَضِیَ اللہ عنہ سے اس کی حکمت ( Wisdom )  معلوم کیجئے ! چنانچہ میرے والِد صاحب رات کو جب امیر المؤمنین