اے اللہ ! ہمیں حضرت  موسیٰ عَلَیْہِ السَّلَام  کے جنّت کے ساتھی اُس گوشت فروش کاصدقہ نصیب کردے ، اےاللہ ! ہمیں حضرت صدیقِ اکبر رَضِیَ اللہ  عَنْہ کاصدقہ ماں باپ کا فرمانبردار بنادے ، اے اللہ حضرت  بایزیدبسطامی  رَحْمَۃُ اللّٰہ ِ عَلَیْہ کے صدقے ہمیں ماں باپ کا حقیقی خدمت گزار بنادے ، اے اللہ ! مُحَدِّثِ اعظم پاکستان حضرت علّامہ مولانا سردار اَحمد قادِرِی چشتی رَحْمَۃُ اللّٰہ ِ عَلَیْہ کے صدقے ہمیشہ ماں باپ سے دُعائیں لینے والا بناد ے۔

 پیارےاسلامی بھائیو ! اگرہم بھی اپنے ماں باپ کو راضی رکھنا چاہتے ہیں اوراُمید ہے کہ سبھی چاہتے ہوں گے توآئیے ! ہم ایسی اچھی صُحبت اِختیارکریں جہاں ماں باپ کا ادب واِحترام سکھایا جاتا ہو ، جہاں ماں باپ کی تعظیم و توقیرکرنا سکھایاجاتاہو ، اِ س پُرفتن دورمیں عاشقانِ رسول کی  دینی تحریک دعوتِ اسلامی کا دینی ماحول اللہ پاک کی بہت بڑی نعمت ہے ، قربان جاؤں اللہ کے ولی ، بانیِ دعوتِ اسلامی امیرِ اہلسنّت پرکہ جن کی مدنی تربیت سے ایسے لاکھوں نوجوانوں کی زندگیوں میں مدنی اِنقلاب برپاہوا ہے کہ جواپنے والدین کے لیے تکلیف کا باعث بنے ہوئے تھے ، وہ خوش نصیب آج ماں باپ کے لیے راحت کا سامان بن گئے ہیں ، ایک تعدادایسی ہوگی جن کی شرارتوں یابُری حرکتوں کی وجہ سے ماں باپ کی نیندیں اُچاٹ  ہوگئی ہوں گی مگر دعوتِ اسلامی کے  دینی ماحول کی برکت سے اب چین کی نیند نصیب ہوئی ہوگی۔

آئیے ! ہم بھی دعوتِ اسلامی کے دینی ماحول سے وابستہ ہوجائیں ،   نیک اعمال کے رسالے کو پُر  ( Fill )  کرنے کی عادت بنا لیں ، مدنی قافلوں کے مُسافر بن جائیں ، ہمیں پتہ چلے گاکہ ماں باپ کی دُعائیں کس طرح لی جاتی ہیں ، ہفتہ وارسُنّتوں بھرے اجتما ع و مدنی مذاکرےمیں نہ صرف خود شرکت کی سعادت حاصل کریں بلکہ اپنے دوست احباب کو بھی شرکت کروائیں ، پھر پتہ چلے گاکہ ماں باپ کوکس طرح خوش کرکے ان کے دِل کی دُعائیں لی جاسکتی ہیں۔ ” 12 دینی کاموں “ کے لیے اپنے آپ کو