آئے گاکہ اس کا ہاتھ آگ کی زنجیرسے گردن کے ساتھ بندھا ہو گا۔ ( قرۃ العیون ، الباب الثالث فی عقوبۃ الزنا ، ص ۳۸۹ )

صَلُّوْا عَلَی الْحَبِیْب !                              صَلَّی اللہُ  عَلٰی مُحَمَّد

انٹرنیٹ کی تباہ کاریاں

پیارے پیارے اسلامی بھائیو ! سوشل میڈیا کی مثال ایک چُھری کی طرح ہے ، جس کاصحیح اور غلط دونوں ہی استعمال ہیں ، مگر افسوس ! ہمارے معاشرے میں سوشل میڈیا کا غلط استعمال زیادہ ہے ، سوشل میڈیا پرموجودفحش مضامین اور کہانیاں ، گندی تصویریں اورنفسانی خواہشات کو بھڑکانے والی بیہودہ ویڈیوز نے نوجوان نسل  کے اَخلاق وکردار اورعادات کو تباہ و بربادکردیا ہے ، ساری ساری رات سوشل میڈیا پربڑی بےدردی کے ساتھ اپنا پیسہ اورقیمتی وقت ضائع کرنا ، جھوٹ بولنا ، لوگوں کودھوکہ دینا ، بلیک میل کرنا ، جیسی برائیاں ہمارے معاشرے  کے نوجوانوں میں بڑی تیزی سے عام ہوتی جارہی ہیں ، پہلے تو سوشل میڈیا  کا استعمال محدود تھا مگرجب سے یہ سہولت موبائل پر موجود ہوئی تو چھوٹی عمر کے بچے بھی اس بیماری کا شکار ہوکر اپنا مستقبل  ضائع کررہے ہیں ، اس بیماری میں مُبْتَلا نوجوان تعلیم سے محروم ہوکر  معاشرے میں کوئی اہم مقام پانے کے بجائےاَخلاق وتمیز  کھوکرمعاشرے میں ذلیل و خوار ہوتےنظر آ رہے ہیں۔آئیے ! سوشل میڈیا کے چند نقصانات کے بارے میں  سنتے  ہیں :

سوشل میڈیا  کی تباہ کاریاں

 ( 1 ) مذہبی ( روحانی ) نقصان :

اکتوبر2017 کے ” ماہنامہ فیضانِ مدینہ “ کے صفحہ نمبر33پر لکھاہے : سوشل میڈیا استعمال کرنے والوں کا گناہوں  خصوصاًبد نگاہی سے بچنا بہت مشکل ہے ، چونکہ سوشل میڈیا پربد مذہب اور بے دین