فرمانِ مصطفےٰ صَلّی اللہ عَلَیْہ وآلِہ وسَلَّم : اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔ ^{( [1] )} اے عاشقانِ رسول! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے! مثلاً نیت کیجئے! * عِلْم سیکھنے کے لئے پورا بیان سُنوں گا * با اَدب بیٹھوں گا * دورانِ بیان سُستی سے بچوں گا  * اپنی اِصْلاح کے لئے بیان سُنوں گا  * جو سُنوں گا دوسروں تک پہنچانے  کی کوشش کروں گا۔

صَلُّوْا عَلَی الْحَبِیْب!                                                                                        صَلَّی اللہ  عَلٰی مُحَمَّد

 پیارے اسلامی بھائیو! آج عَشْرَۂ مُبَشَّرہ یعنی وہ 10 صَحابۂ کرام رِضْوَانُ اللّٰہ  عَلَیْہِمْ اَجْمَعِیْن جن کو مالکِ جنت و کوثر ، شاہِ بحر و بر صَلَّی اللہ  عَلَیْہِ واٰلِہٖ وَسَلَّمَ نے جنّت کی بِشارت ارشاد فرمائی ، اُن میں سے ایک جَلِیْلُ الْقَدْرصحابی کی سِیْرتِ مُبارَکہ کے چند گوشے بیان  کرنے کی سَعادَت حاصل کی جائے گی۔ سیدی اعلیٰ حضرت رحمۃ اللہ  علیہ کیا خوب فرماتے ہیں :

وہ دسوں جن کو جنّت کا مُژدہ مِلا

اُس مُبارک جماعت پہ لاکھوں سلام

 ( حدائق بخشش مطبوعہ مکتبتہ المدینہ ص 311 )

سب سے پہلے آپ رَضِیَ اللہ  عَنْہُ کی سِیْرتِ مُبارَکہ کا ایک واقعہ جوکہ آپ رَضِیَ اللہ  عَنْہُ کے قَبولِ اِسْلام کا سبب بنا ، بَیان  کیا جائے گا۔اس کے بعد اِن عظیم صحابی رَضِیَ اللہ  عَنْہُ کا نام ، نَسَب ، کُنیت ، اَلْقابات اورحُضُور صَلَّی اللہ  عَلَیْہِ واٰلِہٖ وَسَلَّمَ سے ان کے رشتے کاذکر ہوگا۔پھران کا حُلْیہ ، دُنْیا سے بے رَغْبتی ، سَخاوت اور چند فَضائل پیش کئے جائیں گے۔آخر میں ان کے سفرِآخرت کا ذِکْرِ خَیْر کرنے کے ساتھ ساتھ ناخُن