اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہِ الرَّحْمٰنِ الرَّ حِیْم ^ط

اَلصَّلٰوۃُ وَ السَّلَامُ عَلَیْكَ یَا رَسُولَ اللہ                                                       وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ                                                                        وَعَلٰی اٰلِكَ وَ اَصْحٰبِكَ یَا نُوْرَ اللہ

نَوَیْتُ سُنَّتَ الْاِعْتِکَاف     ( ترجمہ : میں نے سُنَّت اعتکاف کی نِیَّت کی )

درودِ پاک کی فضیلت

پارہ : 22 ، سورۂ اَحْزاب ، آیت : 56میں اللہ پاک فرماتا ہے :

اِنَّ اللّٰهَ وَ مَلٰٓىٕكَتَهٗ یُصَلُّوْنَ عَلَى النَّبِیِّؕ-یٰۤاَیُّهَا الَّذِیْنَ اٰمَنُوْا صَلُّوْا عَلَیْهِ وَ سَلِّمُوْا تَسْلِیْمًا ( ۵۶ )

  ( پارہ : 22 ، سورۂ احزاب : 56 )

ترجَمہ کنز الایمان : بےشک اللہ اور اس کے فرشتے  درود بھیجتے ہیں اس غیب بتانے والے  ( نبی )  پر اے ایمان والو ان پر درود اور خوب سلام بھیجو۔

حافِظْ سخاوِی رَحمۃُ اللہ عَلَیْہ فرماتے ہیں : آیتِ درود مدنی ہے  ( یعنی مدینہ منورہ میں نازِل ہوئی )  اور اس آیتِ کریمہ میں اللہ پاک نے اپنے بندوں کو اپنے حبیب صَلَّی اللہ عَلیہ وَآلہٖ و َسَلّم کی شان و عظمت بتائی ہے کہ آپ صَلَّی اللہ عَلیہ وَآلہٖ و َسَلّم وہ بلند شان والے ہیں کہ ان کا رَبِّ کریم فرشتوں میں ان کی ثنا بیان فرماتا ہے اور فرشتے بھی آپ صَلَّی اللہ عَلیہ وَآلہٖ و َسَلّم پر درود بھیجتے ہیں ، پھر اللہ پاک نے عالَمِ سَفْلی  ( یعنی زمین پر بسنے والوں ) کو حکم دیا کہ وہ بھی آپ پر درود و سلام بھیجیں تاکہ نیچے والی اور اُوپَر والی  ( یعنی زمینی اور آسمانی )  ساری مخلوق کی ثنا آپ صَلَّی اللہ عَلیہ وَآلہٖ و َسَلّم پر جمع ہو جائے ۔ ^{( [1] )}  

کعبے کے بَدرُ الدُّجیٰ تم پہ کروروں درود   طیبہ کے شمسُ الضُّحیٰ تم پہ کروروں درود