ضرورت تھی ، سرکارِ عالی وقار ، مکی مدنی تاجدار صَلَّی اللہ عَلَیْہِ وَ آلِہٖ وَسَلَّم نے صدقہ و خیرات کی ترغیب دِلائی ، صحابۂ کرام عَلَیْہِمُ الرِّضْوَان   نے اپنی اپنی حیثیت کے مُطَابق راہِ خُدا میں مال پیش کیا اور مَاشَآءَ اللہ ! صِدِّیقِ اکبر رَضِیَ اللہ عنہ تو پھر صِدِّیقِ اکبر ہیں۔ آپ گھر گئے ، سارا ساز و سامان اُٹھایا اور لا کر بارگاہِ رسالت میں پیش کر دیا۔ اللہ پاک کے آخری نبی ، رسولِ ہاشمی صَلَّی اللہ عَلَیْہِ وَ آلِہٖ وَسَلَّم نےپوچھا : اے ابو بکر ! اَہْلِ خانہ کے لئے کیا چھوڑا ہے؟ عرض کیا : یارسولَ اللہ ! گھر والوں کے لئے اللہ اور اس کا رسول ہی کافِی ہے۔ ^{( [1] )}

پروانے کو چراغ تو بُلْبُل کو پھول بس      صِدِّیق کے لئے ہے خُدا کا رسول بَس

     سُبْحٰنَ اللہ ! کیسی نِرالی شان ہے ! جو مال کی حِرْص میں اللہ و رسول کو بُھولتے ہیں ، نمازیں نہیں پڑھتے ، لندن ، پیرس اور نہ جانے کہاں کہاں پھرتے ہیں ، جو کافِروں کی اُونچی اُونچی عمارتوں ، اُن کی دُنیوی ترقی کو للچائی نظروں سے دیکھتے ہیں ، ان کے لئے کیسی زَبَردَسْت نصیحت ہے ! ہم رَبُّ الْعٰلَمِیْن کے بندے ہیں ، ہمیں بَس اللہ اور اس کا رسول صَلَّی اللہ عَلَیْہِ وَ آلِہٖ وَسَلَّم ہی کافِی ہیں۔

لگاؤ تو لَو اپنی اس سے لگاؤ !                 جھکاؤ تو سَر اس کے آگے جھکاؤ !

 ( 3 ) : ” رَبِّ الْعٰلَمِیْنَ     “ اور محنت کا دَرْس

پیارے اسلامی بھائیو ! آیتِ کریمہ

رَبِّ الْعٰلَمِیْنَۙ    ( پارہ : 1 ، سورۂ فاتحہ : 1 )

ترجَمہ کنزُ العرفان : جو تمام جہان والوں کا پالنے والا ہے۔

کے متعلق اب ایک آخری مدنی پھول سنیئے ! عربی لُغت کے اعتبار سے لفظِ رَبّ تربیت