Book Name:Faizan e Imam Shafi
مکی مدنی مصطفےٰ صَلَّی اللّٰهُ عَلَیْهِ وَ آلِهٖ وَ سَلَّم کے ساتھ وفاداری کی ، اسی لئے آقائے دوجہاں ، مکی مدنی سلطاں صَلَّی اللّٰهُ عَلَیْهِ وَ آلِهٖ وَ سَلَّم نے فرمایا : اِنَّمَابَنُوْ هَاشِم وَ بَنُوْ الْمُطَّلِبْ شَيْئٌ وَاحِد بے شک بنوہاشِم اور بنو مُطَّلِب ایک ہی ہیں۔ امام رازی رَحْمَةُ اللّٰهِ عَلَیْه فرماتے ہیں : جیسے امام شافعی رَحْمَةُ اللّٰهِ عَلَیْه کے آباء و اَجْداد دین کے خدمت گار تھے ، اسی طرح امام شافعی رَحْمَةُ اللّٰهِ عَلَیْه نے بھی دینِ اسلام کی خوب خدمت فرمائی۔ ( [1] )
2 : امام رازی رَحْمَةُ اللّٰهِ عَلَیْه مزید فرماتے ہیں : امام شافعی رَحْمَةُ اللّٰهِ عَلَیْه چونکہ پیارے آقا ، مکی مدنی مصطفےٰ صَلَّی اللّٰهُ عَلَیْهِ وَ آلِهٖ وَ سَلَّم کے ہَم نَسَب ہیں ، لہٰذا امام شافعی رَحْمَةُ اللّٰهِ عَلَیْه بھی ” آلِ رسول “ میں شامِل ہیں۔ ہم جب نماز میں پڑھتے ہیں : اَللّٰہُمَّ صَلِّ عَلیٰ مُحَمَّد وَ عَلیٰ آلِ مُحَمَّد ( اے اللہ پاک ! محمد صَلَّی اللّٰهُ عَلَیْهِ وَ آلِهٖ وَ سَلَّم پر اور آپ کی آلِ پر رحمتیں نازِل فرما ) ہماری اس دُعا میں امام شافعی رَحْمَةُ اللّٰهِ عَلَیْه بھی شامِل ہیں۔ ( [2] )
3: حدیثِ پاک میں ہے : اِنَّ کُلَّ سَبَبٍ وَ نَسَبٍ یَنْقَطِعُ یَوْمَ الْقِیَامَۃِ اِلّا مَا کَان مِنْ نَسبِیْ وَ سَبَبِی ( [3] ) روزِ قیامت ہر نسبی اور سسرالی رشتہ ٹوٹ جائے گا مگر وہ جومیرے نسب اور سسرالی رشتے سے ہیں ( اُن کا تعلق نہیں ٹوٹے گا ) ۔
سُبْحٰنَ اللہ ! پیارے اسلامی بھائیو ! یہ کیسی زبردست فضیلت ہے۔ روزِ قیامت جب نفسی نفسی کا عالَم ہو گا ، ماں بیٹے سے دُور بھاگے گی ، باپ اکلوتے بیٹے سے دامن چھڑائے گا ، بھائی بھائی سے دُوربھاگے گا ، دوست احباب سب اپنی اپنی فِکْر میں ہوں گے ، اس وقت