Book Name:Faizan e Khwaja Ghareeb Nawaz
5 چیزوں کی طرف دیکھنا عبادت ہے
خواجہ بختیار کاکی رَحمۃُاللہ علیہ فرماتے ہیں : پِیر شریف کا دِن تھا ، میں خواجہ حُضُور رَحمۃُاللہ علیہ کی خِدْمت میں حاضِر ہوا؛ اس وقت شیخ محمد اَوْحَد چشتی رَحمۃُاللہ علیہ اور دوسرے بزرگ حاضِر تھے ، خواجہ غریب نواز رَحمۃُاللہ علیہ نے دَرْس دیتے ہوئے فرمایا : 5 چیزوں کو دیکھنا عبادت میں داخِل ہے :
( 1 ) : والِدَین کو دیکھنا عِبَادت ہے
ان میں سے پہلی یہ ہے کہ اپنے والدین کے چہرے کو محبت کی نگاہ سے دیکھا جائے۔ ( [1] ) حدیث میں ہے ، اللہ پاک کے آخری نبی ، رسولِ ہاشمی صَلَّی اللہ عَلیہ وَآلہٖ و َسَلَّم نے فرمایا : جب اَوْلاد اپنے ماں باپ کی طرف رحمت کی نظر کرے تو اللہ پاک اس کے لئے ہر نظر کے بدلے حَجِّ مَبْرُور ( یعنی مقبول حج ) کا ثواب لکھتا ہے۔ صحابۂ کرام علیہمُ الرِّضْوَان نے عرض کیا : اگرچہ دِن میں 100 مرتبہ نظر کرے؟فرمایا : نَعَمْ ، اللہ اَکْبَر وَ اَطْیَبُ یعنی ہاں ! اللہ پاک سب سے بڑا اور اَطْیَبْ ( یعنی سب سے زیادہ پاک ) ہے۔ ( [2] )
خواجہ غریب نواز رَحمۃُاللہ علیہ نے مزید فرمایا : ایک فاسِق اور بدکار شخص تھا ، جب وہ فوت ہوا تو کسی نے اسے خواب میں دیکھا کہ حاجیوں کے ساتھ جنّت میں ٹہل رہا ہے ، خواب دیکھنے والے کو تعجب ہوا ، اس نے جنّت میں پہنچنے کا سبب پوچھا تو اس خوش نصیب جنتی نے