آج بنتا ہوں   مُعزَّز جو کھلے حشر میں   عیب                 آہ !  رُسوائی کی آفت میں   پھنسوں   گا یارب !

گر تُو ناراض ہوا میری ہلاکت ہوگی                                              ہائے !  میں   نارِجہنَّم میں   جلوں   گا یارب !

عَفوکر اور سدا کے لئے راضی ہوجا                                             گر کرم کر دے تو جنّت میں   رہوں   گا یارب  !

  ( 4 ) : خانہ کعبہ کو دیکھنا

خواجہ غریب نواز  رَحمۃُاللہ علیہ نے مزید فرمایا : خانہ کعبہ شریف کو دیکھنا بھی عِبَادت ہے۔ ^{( [1] )}  

خانہ کعبہ کو دیکھنے کے فضائِل

 ( 1 ) : سرکارِ دو جہاں ، رحمتِ عالَمیان صَلَّی اللہ عَلیہ وَآلہٖ و َسَلَّم نے فرمایا : مکّۂ مکرّمہ کی مسجد  ( یعنی مسجد الحرام ) والوں پر ہر روز اللہ پاک کی 120 رحمتیں نازل ہوتی ہیں ان میں سے 60 طواف کرنے والوں کے لئے ، 40 نمازیوں کے لئے اور 20 خانہ کعبہ کی زیارت کرنے والوں کے لئے۔ ^{( [2] )}   ( 2 ) : رسولِ اکرم ، نورِ مُجَسَّم  صَلَّی اللہ عَلیہ وَآلہٖ و َسَلَّم نے فرمایا : جس شخص نے ایمان  کی بِنا پر ، ثواب حاصِل کرنے   کے لئے بیتُ اللہ کی طرف دیکھا اس کے اگلے اور پچھلے گناہ معاف کر دیئے جائیں گےاور قیامت کے دن اس کو امن والے لوگوں میں سے  اٹھایا جائے گا۔ ^{( [3] )}

دیدے طوافِ خانۂ کعبہ کا پِھر شرف       فرما یہ پُورا مُدّعا یارَبِّ مصطفےٰ

رُخ سُوئے کعبہ ہاتھ میں زم زم کا جام ہو    پی کر میں پِھر کروں دُعا یارَبِّ مصطفےٰ

صَلُّوا عَلَی الْحَبیب !                                                صَلَّی اللہ  عَلٰی مُحَمَّد