مہینے میں نفل روزہ رکھ کر اپنے جانشین صاحبزادہ حضور ، حاجی عبید رضا عطاری مدنی مَدَّ ظِلُّہُ العالی اور کئی  عاشقانِ خواجہ کے ساتھ بعدِ فجر مزارِ خواجہ غریب نواز پر حاضِر ہوئے ، عاشقِ خواجہ اَمِیرِ اہلسنت دَامَت برکاتہم العالیہ  نے اجمیر شریف پہنچ کر خواجہ غریب نواز   رَحمۃُاللہ علیہ  کی شان میں ایک مَنْقَبْت لکھی جس کا پہلا شعر یہ ہے :

میں ہوں سائل ، میں ہوں منگتا          یاخواجہ ! مِری جھولی بھر دو

ہاتھ بڑھا کر ڈال دو ٹکڑا                   یا خواجہ !      مِری    جھولی    بھر    دو ^{( [1] )}

اَمیرِاہلسنت دربار ِ غریب نوازپر سنگ مَرمَر ( Marble )  كى مبارک جاليوں کی طرف اَدباً کھڑے کھڑےغالباًاپنی چادرشریف کوجھولی  کی صورت میں پھیلا کر مَنْقَبَت پیش کررہے تھے ، اِس جُملے یا خواجہ ! مِری جھولی بھر دو ، یا خواجہ  ! مِری جھولی بھر دو کی تکرار ہو رہی تھی کہ کہیں سے ایک تاز ہ گُلاب کی پتی اَمیرِاہلسنت دَامَت برکاتہم العالیہ کی جھولی میں آ کر گِر گئی ، پھر خوشی کے عالَم میں یہ آواز  بلند ہوئی : خواجہ نے مری جھولی بھر دی ، خواجہ نے مری جھولی بھر دی اِتنے میں جانشینِ اَمیرِ اہلسنت صاحبزادہ عطار حاجی عبید رضا عطاری مدنی مَدَّ ظِلُّہُ العالی نے وہ پتّی اپنے پیارے پیارے ابو جان کی  چادر شریف سے اُٹھا  لی اور  بعدِ مغرب اِفطار کے وقت اُسے کھا لیا۔اللہ رَبُّ العزّت کی اَمیرِ اہلِ سنت پر رَحمت ہو اور اِن کے صَدقے ہماری بے حِساب مغفِرت ہو۔ ^{( [2] )} اٰمِیْن بِجَاهِ خَاتَمِ النَّبِیّٖنَ صَلَّی اللہ عَلَیْہِ وَ آلِہٖ وَ سَلَّم ۔   

مَنْقَبَت کے چند اَشْعاریہ ہیں :

میں    ہوں    سائل  میں    ہوں    منگتا            یا خواجہ !     مِری    جھولی     بھر  دو