Book Name:Sirat e Mustaqeem Kisay Kehtay Hai
سمجھ چکے تھے کہ ایک عصا کو اتنا بڑا اژدھا بنانا اور اس اژدھے کا رسّیوں کو کھا جانا ، یہ کام جادُو کے زَور پر نہیں ہو سکتا ، یقیناً یہ حضرت موسیٰ عَلَیْہِ السَّلَام کا معجزہ ہے۔ بَس جیسے ہی ان جادُو گروں پر حق کی دلیل واضِح ہوئی ، وہ سب کے سب سجدے میں گِر گئے اور بولے : ( [1] )
اٰمَنَّا بِرَبِّ هٰرُوْنَ وَ مُوْسٰى ( ۷۰ ) ( پارہ : 16 ، سورۂ طہٰ : 70 )
تَرجَمہ کَنْزُ الْعِرْفان : ہم ہارون اور موسیٰ کے ربّ پر ایمان لائے۔
معلوم ہوا؛ حق کی دلیل واضِح ہو جانا ، یہ بھی ہدایت ہے اور یہ ہدایت ہمیں الحمد للہ ! قرآنِ کریم کی صُورت میں عطا کر دی گئی ، قرآنِ کریم میں ہر خشک و تَر کا بیان موجود ہے ، اس میں حق کے دلائل واضِح ہیں ، لہٰذا قرآنِ کریم خُود ہدایت ہے جو ہمیں عطا کر دیا گیا ہے۔
حق سمجھانے والا ملنا بھی ہدایت ہے
( 2 ) : دوسری چیز جس کو ہدایت کہا جاتا ہے وہ یہ کہ اللہ پاک حق سمجھانے والی شخصیات بھیج دے ، جیسے اللہ پاک نے انبیائے کرام بھیجے اور ہمارے لئے آخری نبی رسولِ ہاشمی صَلَّی اللہ عَلیہ وَآلہٖ و َسَلَّم کو ہدایت دینے والا بنا کر مبعوث فرمایا۔الحمد للہ ! یہ ہدایت بھی ہمیں حاصِل ہے۔
( 3 ) : تیسری چیز جسے ہدایت کہا جاتا ہے ، وہ ہے : حق کو سمجھنے والی عقل۔یہ سب سے اہم چیز ہے ، جب تک یہ نہ ملے ، ہدایت ملنا بہت دُشوار ہے۔ قرآنِ کریم مل گیا ، مگر کتنے لوگ ہیں جو قرآن کو پڑھ کر بھی بھٹک جاتے ہیں ، سیدھے راستے کے مُسَافِر نہیں بنتے۔ انبیائے کرام علیہمُ السَّلام تشریف لائے ، انہوں نے معجزات بھی دکھائے ، حق کے دلائل کو