میں کسی شک کی گنجائش نہیں ۔

قرآنِ کریم لارَیْب کتاب ہے عُلمائے کرام نے اس کی مختلف وُجُوہ ، مختلف زاویے بیان فرمائے ہیں۔

 ( 1 ) : قرآنِ کریم کی جامعیت

قرآنِ کریم کے لارَیْب ہونے کی ایک وجہ یہ ہے کہ یہ انتہائی جامِع کلام ہے ، اس کے ایک ایک لفظ میں عِلْم کے ایسے سمندر رکھ دئیے گئے ہیں کہ انسانی عقل دنگ رہ جاتی ہے * سُورۂ اِخْلاص مختصر سِی سُورت ہے ، کُل4 آیتیں ، 15 الفاظ اور صِرْف 47 حروف ہیں۔ ^{( [1] )}  ان 15 لفظوں میں پُورا عِلْمِ تَوْحِید بیان کر دیا گیا ، عُلَمائے کرام نے سُورۂ اِخْلاص کی تفسیر میں سینکڑوں صفحات پر مشتمل کتابیں لکھی ہیں * ایسے ہی سُورۂ کَوْثَر ، صِرْف 3 آیتیں ، 10الفاظ ہیں۔ ^{( [2] )}  ان 10 الفاظ میں ایسے کمال انداز میں شانِ مصطفےٰ بیان کی گئی ہے اور ایسے ایسے عِلْم کے موتی اس میں رکھ دئیے گئے ہیں کہ واہ !  سُبْحٰنَ اللہ !  سُورۂ کَوْثَر کی تفسیر میں بھی عُلَمائے کرام نے پُوری پُوری کتابیں لکھی ہیں * پِھر سُورۂ فاتِحہ ، اس کی تو کیا ہی شان ہے ، اس کے کُل : 27 لفظ ہیں ، ^{( [3] )} ان 27 لفظوں میں کم و بیش 104 آسمانی کِتَابوں کا خُلاصہ بیان کر دیا گیا ہے۔ ^{( [4] )}

ایسا جامِع کلام ، چند لفظوں میں اتنے معانی رکھ دینا ، عِلْم کے ایسے سمندر سَمَوْ دینا کسی