وضاحت اور اُس سے ملنے والے اہم مدنی پھول  سننے کی سَعادَت حاصِل کی ، آج  سے اِنْ شَآءَ اللہ الْکَرِیْم !  سُوْرۂ بَقَرہ کی ابتدا ہوگی ، اللہ پاک ہمیں خوب ذوق و شوق کے ساتھ مکمل بیان ، سننے ، سمجھنے اوردُوسروں تک پہنچانے کی توفیق عنایت فرمائے۔اٰمِیْن بِجَاہِ خَاتَمِ النَّبِیّٖنَ  صَلَّی اللہ عَلَیْہِ وَ آلِہٖ وَسَلَّم ۔ 

صَلُّوا عَلَی الْحَبیب !                                                صَلَّی اللّٰہُ عَلٰی مُحَمَّد

سُوْرَۃُ الْبَقَرَہ کا مختصر تعارف اور فضائل

 * سُورۂ بَقَرہ مدینۂ مُنوَّرہ میں نازل ہونے والی سب سے پہلی سورت  ہے۔ ^{( [1] )}  * اس میں 40 رکوع اور 286 آیات ہیں۔ ^{( [2] )}  * سُورۂ بَقَرہ قرآن  کریم کی سب سے بڑی ، بہت ہی بابرکت اور فضیلت والی سورت ہے * حضرت اَنَس بن مالک  رَضِیَ اللہ عنہ فرماتے ہیں : ہم  ( صحابۂ کرام    علیہم الرضوان )  میں سے جب کوئی سُورۂ بَقَرہ اور سُورۂ آل ِ عمران سیکھ لیتا تھا  تو ہمارے درمیان  اُس کو  بہت بلند رتبہ سمجھا جاتا تھا۔ ^{( [3] )}  * حدیث ِپاک میں سُورۂ بَقَرہ  اور سُورۂ  آلِ عمران کو زَهْرَاوَیْن  ( 2 چمکدار سُورتیں )  کہا گیا ہے۔ چنانچہ رسولِ رحمت ، شفیعِ اُمّت صَلَّی اللہ عَلیہ وَآلہٖ و َسَلَّم  نے فرمایا : اِقْرَؤُوا الزَّھْرَاوَیْنِ اَلْبَقَرَۃَ  وَسُوْرَۃَ آلِ عِمْرَان یعنی 2چمکدار سورتوں سورۂ بَقَرہ اورسُورۂ آل ِ عمران  کی تلاوت کیا کرو !  کیونکہ روزِ قیامت یہ دونوں  سورتیں    اپنے پڑھنے والے کی شفاعت کریں گی۔ ^{( [4] )  *} حضورِ اکرم ، نورِ مُجَسَّم صَلَّی اللہ عَلَیْہِ وَ آلِہٖ وَ سَلَّم