سرورِ عالم ، نورِ مُجَسَّم صَلَّی اللہ عَلَیْہِ وَ آلِہٖ وَ سَلَّم کی حالتِ رُکوع اور میم سے مراد آپ  صَلَّی اللہ عَلَیْہِ وَ آلِہٖ وَ سَلَّم   کی حالتِ  سجدہ ہے۔ یوں مطلب بنے گا : اے محبوب صَلَّی اللہ عَلَیْہِ وَ آلِہٖ وَ سَلَّم !     آپ کے قیام ، رکوع اور سجدہ کی قسم !  قرآن لا ریب  کتاب ہے۔  

 سیدی اعلی حضرت رَحمۃُ اللہ عَلَیْہ مزید فرماتے ہیں : اس کی ایک اور بھی تاوِیْل  ہوسکتی ہے ، وہ یہ کہ؛ الف سے مراد رسولِ ذیشان ، مکی مدنی سلطان صَلَّی اللہ عَلَیْہِ وَ آلِہٖ وَ سَلَّم کا قد مبارک ، لام سے مراد آپ صَلَّی اللہ عَلَیْہِ وَ آلِہٖ وَ سَلَّم   کی زُلف مبارک ، میم سے مراد آپ صَلَّی اللہ عَلَیْہِ وَ آلِہٖ وَ سَلَّم   کا دَہن مبارک ،  تو مطلب بنے گا : اے محبوب صَلَّی اللہ عَلَیْہِ وَ آلِہٖ وَ سَلَّم !  آپ کے قد مبارک ، زُلْفِ عنبرین اور خوشبودار دَہن مبارک کی قسم !  قرآن لا ریب کتاب ہے۔ ^{( [1] )}

وہ خُدا نے ہے مرتبہ تجھ کو دیا ، نہ کسی کو ملے نہ کسی کو ملا

کہ کلامِ مجید نے کھائی شہا تِرے شہر و کلام و بقا کی قسم ^{( [2] )}

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد

 قرآن لارَیْب کتاب ہے

پیارے اسلامی بھائیو !  اللہ پاک نے فرمایا :

ذٰلِكَ الْكِتٰبُ لَا رَیْبَ ﶈ فِیْهِ    ( پارہ : 1 ، سورۂ بقرہ : 2 )

تَرجَمہ کَنْزُ الْعِرْفان : وہ بلند رتبہ کتاب جس میں کسی شک کی گنجائش نہیں ۔

انبیائے کِرام علیہمُ السَّلام کو 2 چیزیں  خُصُوصیّت کے ساتھ عطا کی جاتی ہیں :  ( 1 ) : وَحْی  ( 2 ) : معجزہ۔ یہ دونوں  الگ الگ چیزیں ہوتی ہیں۔