مالِک کو اس کی ملکیت دکھا دی گئی

پیارے اسلامی بھائیو ! محبوبِ رَبِّ اَکْبَر ، شاہِ خشک و تَر صَلَّی اللہ عَلَیْہِ وَ آلِہٖ وَ سَلَّم کو یہ نشانیاں  ( مثلاً جنّت و دوزخ ، عرش و کرسی ، لوح و قلم وغیرہ )  کیوں دِکھائی گئیں ؟ اس تعلق سے مشہور مفسرِ قرآن ، حکیم الاُمّت مفتی احمد یار خان نعیمی رَحمۃُ اللہ علیہ نے بڑا ایمان افروز مدنی پھول دیا ، فرماتے ہیں : عرش و فرش اور تمام عالَم حُضُور صَلَّی اللہ عَلَیْہِ وَ آلِہٖ وَ سَلَّم کو عطا فرما دئیے گئے ہیں ، اسی لئے جنّت کے دروازے ، پتے پتے اور ڈالی ڈالی پر لکھا ہے : لَآا اِلٰہَ اِلَّا اللہ مُحَمَّدٌ رَّسُوۡلُ اللہ یعنی یہ تمام چیزیں کارخانۂ قُدْرت کی بنی ہوئی اور مُحَمَّد  صَلَّی اللہ عَلَیْہِ وَ آلِہٖ وَ سَلَّم کی ملکیت میں دی ہوئی ہیں۔لہٰذا اللہ پاک کو منظور ہوا کہ مالِک کو اس کی ملکیت دکھا دی جائے ، لہٰذا رَبِّ کریم نے محبوبِ کریم صَلَّی اللہ عَلَیْہِ وَ آلِہٖ وَ سَلَّم کو مِعْراج پر بُلایا اور سب کچھ دِکھا دیا۔ ^{( [1] )}  

کونین بنائے گئے سرکار کی خاطِر                                                                     کونین کی خاطِر تمہیں سرکار بنایا

کنجی تمہیں دِی اپنے خزانوں کی خُدا نے                                              محبوب کِیا ، مالِک و مختار بنایا

صَلُّوا عَلَی الْحَبیب !                                                صَلَّی اللہ عَلٰی مُحَمَّد

 حبیب اور خلیل کا فرق

اے عاشقانِ رسول ! یہاں حبیب اور خلیل کا فرق بھی ملاحظہ فرمائیے ! حضرت ابراہیم  علیہ السَّلَام  اللہ پاک کے خلیل ہیں ، بہت بلند رُتبہ نبی ہیں ، ہمارے آقا ، مدینے والے مصطفےٰ صَلَّی اللہ عَلَیْہِ وَ آلِہٖ وَ سَلَّم کے بعد سب نبیوں اور رسولوں میں اُونچا درجہ آپ کا ہے ، حضرت ابراہیم  علیہ السَّلَام  کو بھی مِعْراج ہوئی ، آپ کو زمین و آسمان کی بادشاہی دِکھائی گئی ، آپ پتھر کی ایک چٹان پر کھڑے ہوئے ، حکم ہوا : ابراہیم ! نیچے دیکھئے ! دیکھا تو ساتوں زمینیں اور ان